| e-texts navigator |
| Wylie |
87a1 ཏེ། ཕྱིའི་རྣལ་འབྱོར་དགུག་ཅིང་སྤྱན་དྲང་བའི་ཕྱག་རྒྱ་གསལ་བ་ལས་འཁོར་དང་བཅས་པ་སྤྱན་དྲང་ངོ་།། མི་གསང་བའི་གསང་བ་ཆེན་པོ་ཆོས་ཉིད་ཀྱིས་བསྒྲལ་བ་དང་། སྐུ་གསུང་ཐུགས་ཆེ་བའི་ཡོན
87a2 ཏན་གྱིས་བསྒྲལ་བ་དང་། བདག་ཉིད་ཆེན་པོ་ལྷུན་གྱིས་གྲུབ་པས་བསྒྲལ་ལོ།། བཅོམ་ལྡན་འདས་ཧེ་རུ་ཀ་རོལ་པ་གསང་བ་ཟབ་མོའི་དོན་བདུད་འདུལ་བའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན
87a3 འདས་ཀྱིས་ཧེ་རུ་ཀའི་ལས་ཀྱི་བཟླས་པ་འདི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་།། འདས་པའི་དུས་ན་སྔོན་བྱུང་བ།། དེ་བཞིན་གཤེགས་པའི་གསུང་རབ་ལས།། འགྲོ་བའི་ཚུལ་དུ་སྔོན་འབྱུང
87a4 སྟེ།། དེ་ཚེ་སེམས་ཅན་ཐམས་ཅད་ཀུན།། ཤིན་ཏུ་ཁྲོ་ཞིང་གདུག་པར་གྱུར།། ཤིན་ཏུ་ཁྲོ་དྲག་གཏུམ་པ་ཡང་།། ཞི་བས་ཕན་པར་མི་འགྱུར་ཏེ།། ཤེས་རབ་ཐབས་ཀྱི་ངོ་བོ་ཡིས།། ཁྲོ་བས་དེ་བཞིན་གཤེགས་ཀུན
87a5 མཛད།། སངས་རྒྱས་ཐུགས་རྗེས་ཁྲོས་པ་ཡིས།། ཐམས་ཅད་འཇིགས་པའི་མཆོག་ཡིན་ཏེ།། རྡོ་རྗེ་སེམས་དཔའ་དེ་བཞིན་གཤེགས།། དམ་ཚིག་ལ་སྡང་རྣམ་སྦྱང་ཕྱིར།། དུར་ཁྲོད་གར་གྱི་ཕྱག་རྒྱར་གསལ།། ཧཱུཾ།
87a6 བཞིས་ཧེ་རུ་ཀ་བསྒོམ། ཧས་ཧེ་རུ་ཀ་ལ་སོགས་པ་བསྒོམ། ཧེས་སིང་ཧ་ལ་སོགས་པ་བསྒོམ། ཕཊ་ཀྱིས་སྒོ་བ་ལ་སོགས་པ་བསྒོམ། ཧཱུཾ་ཧ་ཧེ་ཕཊ་ཀྱིས་ཏིང་ངེ་འཛིན་བཟླས། སྔགས་འདིས་སྤྱན་དྲང་ངོ་། སརྦ་དུཥྚཱཾ་ན་ས
iiif viewer powered by OpenSeadragon
