| e-texts navigator |
| Wylie |
83a1 དངོས་གྲུབ་སྟེར།། རེ་བ་མེད་པས་བདག་ཉིད་མས།། གྲུབ་པའི་ཁྱད་པར་འདི་ཤེས་པས།། འདུ་བ་མེད་པས་བདག་བསམས་ཏེ།། རྟག་ཏུ་འདི་དག་སྤྱད་ཅིང་བཅང་།། བདག་གི་དངོས་གྲུབ་སྐྱེ་བ
83a2 ཡི།། སྔགས་པས་དེ་ནས་བཤད་པར་བྱ།། ཨོཾ་ན་བ་བ་ཏོ།། བ་དུ་བ་ཡ་སྨ་ཤ་ན། བ་སི་ནི་ཨི་ཏང་ཀ་པཱ་ལ། ཨ་བེ་ཤ་ཡ། ཨ་བེ་ཤ་ཡ། ཧཱུཾ་ཕཊ་སྭཱ་ཧཱ། ཐལ་བ་དང་། མེ་ཏོག་དང་། ཆུ་ལ་ལན་བརྒྱ་རྩ་བརྒྱད་སྣོད་ལ
83a3 བཏབ་སྟེ་བླང་བར་བྱ།། རི་མོ་རྡོ་རྗེ་འཁོར་ལོ་དང་།། མཆོད་རྟེན་དང་ནི་རིན་པོ་ཆེ།། པདྨ་དང་ནི་ལྗོན་ཤིང་དང་།། དབུས་ན་བུ་ག་གཉིས་ཡོད་པ།། མདུན་ན་གཤོང་བུ་གསུམ་དང་གཉིས།། གང་དག་རྡོ་རྗེ་མཚན་ཡོད
83a4 པ།། དཔལ་དང་ལྡན་པའི་སྣོད་གནས་སོ།། སྲུབས་གཅིག་པ་དང་སྲུབས་གཉིས་དང་།། སྲུབས་གསུམ་པ་དང་སྲུབས་བཞི་པ།། ལྔ་དང་དྲུག་དང་བདུན་དང་བརྒྱད།། དགུ་དང་བཅུ་དང་བཅུ་གཉིས་དག། བཅོམ་ལྡན
83a5 འདས་ཀྱིས་བཀའ་སྩལ་ཏོ།། བཅུ་དྲུག་པ་དང་ཉི་ཤུ་དྲུག། འདི་དག་རབ་ཏུ་སྤང་བར་བྱ།། བཅོམ་ལྡན་འདས་ཧེ་རུ་ཀ་རོལ་པ་ལས་ཀུན་ཏུ་བཟང་པོ་ཧེ་རུ་ཀ་རོལ་པ་སྣོད་བརྟག་པའི་ལེའུ་སྟེ་བཅུ་གཅིག
83a6 པའོ།། །། དེ་ནས་དབང་ཕྱུག་ཆེན་པོ་བསྒྲལ་བའི་ཐབས་འདི་བཅོམ་ལྡན་འདས་དཔལ་ཀུན་ཏུ་བཟང་པོའི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་།། མ་ཧཱ་རུ་དྲའི་རྒྱུད་དུར་ཁྲོད་མ་ཧཱ་རུ་དྲ་བརྒྱུད་པའི
iiif viewer powered by OpenSeadragon
