| e-texts navigator |
| Wylie |
82b1 འཇོམས་པར་བྱེད།། ཁ་དོག་དམར་ཞིང་ལྔ་པ་ལ།། པདྨོ་དམར་པོས་བརྒྱན་པ་དང་།། ཟླུམ་པ་ཤིན་ཏུ་རྣམ་པ་སྟེ།། སྣོད་འདི་གཞོན་ནུ་མ་ཞེས་བྱ།། ཅུང་ཟད་སེར་ཞིང་ཟླུམ་ལ་ཟབ།། གང་དག་རྡོ་རྗེ་མཚན་ཡོད
82b2 པ།། དེ་ཡི་མཚན་ལྡན་གང་ཡིན་པ།། དབང་ཕྱུག་ཆེན་མོ་རིགས་ཆེན་ཡིན།། ཕག་མོའི་གདོང་དབྱིབས་འདྲ་བ་ལ།། རབ་ཏུ་མཁྲེགས་ཤིང་མུ་ཏིག་འཕྲོ།། ཤ་ཡི་དྲི་དག་མནམ་པ་ཡི།། སྣོད་ནི་ཕག་གདོང་མ་ཞེས
82b3 བྱ།། ཐལ་བའི་མདོག་ལ་བོང་ཡང་ཆེ།། ཐིག་ལེ་ཆེན་པོས་རྣམ་པར་བརྒྱན།། ཁྲག་འཛག་པ་ཡི་དྲི་མནམ་པ།། འཇིགས་བྱེད་མ་ཡི་སྣོད་ཅེས་བྱ།། སྣོད་ཀྱི་ཁྱད་པར་ཤེས་བྱས་ནས།། སྔགས་པས་འདི་དག་རྟག་འཆང
82b4 ན།། བདག་བཀའ་བྱེད་ན་བཞིན་བཟངས་མ།། དེ་ལ་བགེགས་ཀྱིས་ཚུགས་མི་འགྱུར།། དེ་ནས་གཞན་ཡང་བཤད་པར་བྱ།། སྣོད་ཀྱི་དངོས་པོ་ཁྱད་པར་ནི།། ཚངས་པ་བྲམ་ཟེ་བཅང་བར་བྱ།། རྟག་ཏུ་དངོས་གྲུབ
82b5 སྦྱིན་པར་བྱེད།། སྒྲུབ་པ་ཆེན་པོའི་དུས་དག་ཏུ།། ཁྱབ་འཇུག་དང་ནི་འབྱོར་ཀུན་ལ།། རྟག་ཏུ་ལས་རྣམས་འགྲུབ་པར་བྱེད།། རྒྱལ་རིགས་ཀྱིས་ནི་གཞོན་ནུ་མ།། ཕ་རོལ་ཡུལ་ནི་རྣམ་པར་འཇོམས།། རྗེའུ་རིགས་ཀྱིས
82b6 ནི་དམ་ཆེན་མོ།། བློ་དང་ལྡན་པས་བཟློག་ཕྱིར་བཤད།། གསད་དང་བསྒྲལ་དང་བསྟབས་པའི་ཕྱིར།། དམངས་རིགས་ཀྱིས་ནི་ཕག་གདོང་བཅང་།། ལས་དང་རིགས་རྣམས་ཐམས་ཅད་དང་།། འཇིགས་བྱེད་མས་ནི
iiif viewer powered by OpenSeadragon
