| e-texts navigator |
| Wylie |
78a1 དོན།། རྫོགས་པའི་ཡེ་ཤེས་བདེ་བ་ཆེན་པོ་ཉིད།། དབང་མཆོག་འདིས་ནི་དབང་བསྐུར་རོ།། སྐུ་རྒྱན་འཁོར་ལོ་ལུང་ཆེན་ཟབ་མོ་ནང་ནས་གསལ།། ལྔ་བཞི་ནང་དུ་འཁོར་བ་ཡང་།། ཡེ་ཤེས་སངས་རྒྱས
78a2 དེ་ལས་མེད།། ལྟ་བ་འདི་ལ་གནས་ཤིང་རྣལ་འབྱོར་སྐལ་བ་བཟང་།། བདེ་གཤེགས་ཀུན་གྱི་ཐུགས་དམ་བྱང་ཆུབ་སེམས་ཀྱི་དོན།། དོན་དམ་དབང་མཆོག་འདིས་ནི་དབང་བསྐུར་རོ།། དབྱིངས་ནས་གསལ་ཤར
78a3 བདལ་བ་ལ།། ཐུགས་ཀྱི་དཀྱིལ་འཁོར་འབྱམ་རེ་ཡས།། རྫོགས་པའི་དཀྱིལ་འཁོར་ཡིད་ལ་ཐིམ།། འགྲེང་ལྡོག་སྤྱིའུ་ཚུགས་གར་འགྱུར་ཡང་།། གང་ལྟར་བྱས་པ་བྱང་ཆུབ་སེམས་ཀྱི་དོན།། ཐིག་ལེ་ཆེན་པོའི་དཀྱིལ
78a4 འཁོར་དུ།། མུན་ནག་ལངས་ཀྱང་ཁམས་གསུམ་གསལ།། ཡེ་ཤེས་ཁྲུས་ཀྱི་རྫིང་བུ་རུ།། དྲི་ལ་དག་པས་རྡུལ་མི་འགོ། དབང་མཆོག་འདིས་ནི་དབང་བསྐུར་རོ།། དེ་ནས་བཅོམ་ལྡན་འདས་ཉིད་ལས་གཞན་པའི
78a5 འཁོར་རིགས་བཞིས་འཁོར་བའི་ཕྲ་མེན་མ་དང་། ཁྲོ་བོ་རྡོ་རྗེ་བཀའི་ཕོ་ཉ་རྣམས་ལ་བཀའ་སྩལ་ཏོ།། སངས་རྒྱས་ཀུན་གྱི་རྡོ་རྗེ་དབང་།། དེ་རིང་ཁྱོད་ལ་བསྐུར་བར་བྱ།། སངས་རྒྱས་རྣམས་སུ་གྲུབ་བྱའི་ཕྱིར།། རྡོ་རྗེ
78a6 འདི་ནི་ཁྱོད་ཀྱིས་ལོང་།། ཤེས་རབ་ཐབས་ཀྱི་ཕྱག་རྒྱ་འཛིན།། རྣམ་གྲོལ་དག་པས་གསུང་སྐད་སྒྲོགས།། དྲིལ་བུ་འདི་ནི་སྒྲ་སྙན་གྱིས།། ཕྱོགས་བཅུ་ཀུན་དུ་སྒྲོགས་པར་བྱེད།། དབང་མཆོག་འདིས་ནི་དབང་བསྐུར
iiif viewer powered by OpenSeadragon
