| e-texts navigator |
| Wylie |
73a1 བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། བྱང་ཆུབ་སེམས་ཉིད་སྒོམ་པའི་དབང་།། དབྱིངས་དང་དབྱིངས་ཀྱི་དཀྱིལ་འཁོར་འདིར།། སེམས་ཉིད་རྟོགས་པའི་ཐིག་བཏབ
73a2 སྟེ།། དེ་རུ་སློབ་མ་བསྐུར་བར་བྱ།། ཆོས་རྣམས་ཐམས་ཅད་བརྟག་པར་དཀའ།། བརྗོད་པའི་ཐ་སྙད་ཀུན་ལས་འདས།། ད་ལྟར་ས་གསུམ་གནོན་པ་ནི།། སེམས་ཅན་ནང་ན་མི་ཡིན་ཏེ།། སངས་རྒྱས་མིས་ནི
73a3 བསྒྲུབ་ཟག་ཉེ།། བྱང་ཆུབ་སེམས་དེའི་དོན་རྟོགས་ནས།། འབྲས་བུ་ཡང་དག་མངོན་དུ་འཆར།། དེ་ལས་ཀྱང་ནི་མ་གཏོགས་པ།། དེ་ལས་སངས་རྒྱས་གཞན་ན་མེད།། སེམས་ཉིད་དངོས་པོ་དེ་ལས་མེད།། བསྟན
73a4 ཅིང་ཡང་ནི་རྟོགས་པར་དཀའ།། བསྒོམ་པའི་དངོས་གཞིའང་དེ་ལས་མེད།། སེམས་ཀྱིས་བརྟག་པར་དཀའ་ན་ཡང་།། ཚིག་གིས་འདི་ཡིན་བསྟན་དཀའ་ཞེས།། སངས་རྒྱས་བྱང་ཆུབ་སེམས་ཉིད་འདི།། དེ་རིང་ཁྱོད
73a5 ལ་བསྐུར་བར་བྱ།། བོ་དྷི་ཙིཏྟ་ཧཱུཾ། ཕྱི་ཡི་ཚུལ་དུ་རྟོགས་འགྱུར་ན།། སེམས་ལ་སྲིད་པ་ཐམས་ཅད་ཆུབ་པར་འགྱུར།། ནང་གི་ཚུལ་དུ་རྟོགས་འགྱུར་ན།། སེམས་ལ་སྐུ་གསུང་ཟུགས་ཀྱང་འཕྲུགས་པར་གནས།། གསང
73a6 བའི་ཚུལ་དུ་སྣང་བ་ཐམས་ཅད་ནི།། ཡུམ་ཆེན་ཀུན་ཏུ་བཟང་མོ་ཞེས་ཀྱང་བྱ།། སེམས་ནི་སྣང་བ་ཤར་བའི་ཡེ་ཤེས་ཡིན།། གཉིས་སུ་མེད་པར་རྟོགས་ན་ཆོས་ཀྱི་སྐུ།། བྱང་ཆུབ་སེམས་ཀྱིས་དེང་འདིར་དབང་བསྐུར
iiif viewer powered by OpenSeadragon
