| e-texts navigator |
| Wylie |
72b1 བཞུགས།། དམ་ཚིག་སྒྲོག་གིས་སེམས་ཅན་འདུལ་མཛད་ཅིང་།། མ་རིག་ནུབ་མཛད་ཀུམ་པ་ཀ་རྣམ་འཕྲུལ།། སྐུ་གསུམ་ཡོན་ཏན་ཕྲིན་ལས་མཐའ་ཀླས་པ།། སྟོང་པའི་སྒྲས་བསྐུལ་འགྲོ་བའི་རྒྱུད་ལ་འབེབས།། སོ
72b2 སོའི་སྐད་དུ་ཆོས་ཀྱི་སྒྲ་སྒྲོགས་པ།། མ་ཆགས་བྱང་མཛད་ལམ་པོ་དྷ་ར་མ།། དཔལ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་བཟླས་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས
72b3 དཔའ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཐབས་དང་ཤེས་རབ་ཀྱི་བྱང་ཆུབ་ཀྱི་སེམས་ཀྱི་དབང་འདི་བཀའ་སྩལ་ཏོ།། དཀྱིལ་འཁོར་འདོམ་གང་གྲུ་བཞི་ལ་དབུས་སུ་པདྨ་འདབ་མ་བརྒྱད། པདྨའི་ལྟེ་བ་ལ
72b4 རག་ཏའི་མཎྜལ་བྱས་ཏེ། དབུས་སུ་བཛྲ་ཧེ་རུ་ཀ། ཤར་དུ་བུད་དྷ་ཧེ་རུ་ཀ། ལྷོར་རད་ན་ཧེ་རུ་ཀ། ནུབ་ཏུ་པདྨ་ཧེ་རུ་ཀ། བྱང་དུ་ཀརྨ་ཧེ་རུ་ཀ། མཚམས་བཞིར་ཁྲོ་མོ་དབང་ཕྱུག་མ་བཞི།། དེའི་ཕྱི་རིམ་སྣམ་བུ་ལ་གོའུ
72b5 རིམ་བརྒྱད།། དེའི་ཕྱི་རིམ་ལ་སིང་ཧ་མ་བརྒྱད། སྒོ་བཞི་དང་སྒོ་ཁྱུད་དང་བཅས་པ། ཞིང་གི་རྒྱལ་མཚན། རས་ཆེན་གྱི་འཕན་གདུགས། ཙིཏྟའི་ཐོག། མཾ་སའི་བླ་རེས་དེ་ནས་བཅོམ་ལྡན་འདས་ཐབས་དང་ཤེས་རབ
72b6 གཉིས་སུ་མེད་པའི་བྱང་ཆུབ་ཀྱི་སེམས་ཡུམ་གྱི་སྐུ་ལ་བསྟིམས་ཏེ།། ཡུམ་ཀུན་ཏུ་བཟང་མོས་རང་གིས་མཐའ་ལ་བྱང་ཆུབ་ཀྱི་སེམས་བླངས་ཏེ། ཉིད་ལས་མི་གཞན་པའི་འཁོར་རྣམས་དབང་བསྐུར་རོ།། དེ་ནས
iiif viewer powered by OpenSeadragon
