| e-texts navigator |
| Wylie |
56a1 འདི་རྣམས་ཡང་དག་པའི་བདན་དུ་ངེས་པར་རིག་པར་བྱའོ།། བཅོམ་ལྡན་འདས་དེ་བཞིན་གཤེགས་པ་ཤིན་ཏུ་གསང་བ་ཙ་རུ་ཀར་རལ་པ་ལས་རྔ་ཟླ་ཐ་ནལ་ལེའུས་ལྔ་པའོ།། ། དེ་ནས
56a2 བཅོམ་ལྡན་འདས་ཀྱིས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཧེ་རུ་ཀའི་ལས་ཀྱི་བཟླས་པ་འདི་གསུངས་ཤིང་ཕྱུང་ངོ་།། བདག་མེད་གཉིས་རྟོགས་སྒྲིབ་པ་གཉིས་སྤངས་པ།། ཐུགས་རྗེ་སྤྲུལ་པས་འགྲོ་བ་མ
56a3 ལུས་སྒྲོལ།། ཡུལ་མེད་མ་སྐྱེས་བྱམས་པའི་ཆོས་དབྱིངས་ལས།། འཛིན་པ་མི་རྟོག་སྙིང་རྗེ་ཞེན་ཆགས་ཁྲོ།། གཉིས་མེད་དག་ལས་ཕྲིན་ལས་སྙིང་རྗེ་སྙོམས།། དཔལ་ཆེན་ཁྲག་འཐུང་ཁྱོད་ལ་ཕྱག་འཚལ་ལོ།། རྟོག
56a4 འཇོམས་སྤྱོད་པ་མཐུན་པས་འགྲོ་འདུལ་ཞིང་།། བརྡ་ཅན་ཡན་ལག་ལེན་པའི་དོན་གོ་ལ།། ལྷ་བརྒྱད་བརྗོད་པས་དངོས་གྲུབ་ཀུན་དང་འགྲེལ།། བཀའ་དོན་གཏན་ཚིགས་རིགས་པས་བརྗོད་པར་འོས།། ཞེས་བྱ་བའི
56a5 དོན་ཏོ།། །། ལུང་གསུམ་མན་ངག་གསུམ་དང་སྤྱི་དོན་གསུམ།། ལུང་གི་སྤྱི་གཅོད་མན་ངག་གདེང་དུ་བྱ།། སྤྱི་ཁོག་བཅུ་བཞིས་དོན་གྱི་ཁོག་ཕུབ་ལ།། བཞི་བཅོམ་དྲུག་ལྡན་རྩིས་མགོས་ས་གཅད་དེ།། ཁྲོ་བོ་རྟོག
56a6 པ་མཚན་མའི་གཉེར་གྱིས་བཤད།། འདི་ནི་ཁྲག་འཐུང་རྔམ་བརྗིད་རྒྱལ་པོའི་ལུང་ཞེས་ཚིག་ཉུང་ཞིང་མདོར་འདུས་ལ་དོན་མང་པོར་འབྱུང་བས་མདོའི་སྡེ་ཞེས་བྱའོ།། བཅོམ་ལྡན་འདས་དཔལ་རྡོ་རྗེ་སེམས་དཔས
iiif viewer powered by OpenSeadragon
