| e-texts navigator |
| Wylie |
355b1 པར་ལྟ་བ་འདུལ་བའི་མཚན།། ཧཱུཾ། མཆེ་བ་ཟང་ཡག་གཙིགས་པས་ནི།། སྐྱེ་ཤི་རྩ་བ་གཅོད་པའི་ཚུལ།། སྐུ་གསུང་ཐུགས་ཀྱི་བྱིན་བརླབས་ནི།། ཕྱག་རྒྱ་སྣ་ཚོགས་ཅིར་ཡང་སྣང་།། ཧཱུཾ། ཐུགས་རྗེའི་བྱིན་བརླབས་སྤྲིན
355b2 ལྟར་འཁྲིགས།། བྱམས་པའི་འོད་ཟེར་གློག་བཞིན་འགྱུ།། རྔམ་པའི་སྒྲ་སྐད་འབྲུག་ལྟར་སྒྲོགས།། སྤྲུལ་པའི་ཐོག་ཐོག་ཆར་བཞིན་འབེབས།། ཧཱུཾ། སྔོན་གྱི་ཐུགས་དམ་ཆེན་པོ་ནི།། ཀླན་ཀ་ཆེན་པོ་བདུད་ལ
355b3 ཚོལ།། ཀྱལ་ཀ་ཆེན་པོ་བགེགས་ལ་མཛད།། དམ་ཚིག་ཅན་ལ་དངོས་གྲུབ་སྩོལ།། ཧཱུཾ། ཐུགས་རྗེ་ཆེན་པོའི་བྱིན་བརླབས་ཀྱིས།། བདག་ལ་བྱིན་གྱིས་རློབ་མཛད་ཅིང་།། བདག་གིས་ལྷག་པའི་བསམ་པ་རྣམས།། གྲུབ
355b4 པར་བྱིན་གྱིས་བརླབ་ཏུ་གསོལ།། འཁྱིལ་ཅིང་རྒྱན་ཡང་འཁྱིལ་བ་ལ།། སེམས་ཀྱི་ཆོས་པས་སྐུ་མི་མངའ།། སྒྲ་ལས་འདས་པའི་སྦྱོར་བ་སྟེ།། བསམ་དང་བྲལ་བའི་ཡེ་ཤེས་ལགས།། ཧཱུཾ། སྲིད་གསུམ་འཇོམས་པའི་ལྷ།
355b5 ལ་ཕྱག་འཚལ་ལོ།། མཉམ་ཉིད་ངང་གིས་ཁྲོ་ལ་ཕྱག་འཚལ་ལོ།། ཁྲོས་པས་ལོངས་སྤྱོད་མཛད་ལ་ཕྱག་འཚལ་ལོ།། རྡོ་རྗེ་འདུ་འཕྲོ་ཁྲོ་ལ་ཕྱག་འཚལ་ལོ།། ཞེས་བསྟོད་དེ།། ཉིད་ཀྱི་ཐུགས་ཀར་ཞུགས་ནས་མི་སྣང
355b6 བར་གྱུར་ཏོ།། འཕགས་པ་ཐབས་ཀྱི་ཞགས་པ་པདྨོ་ཕྲེང་རྫོགས་སོ།།
iiif viewer powered by OpenSeadragon
355a -
