| e-texts navigator |
| Wylie |
355a1 སོ།། གཤེར་བའི་བྱ་བ་བྱེད་པ་ཐམས་ཅད་ནི་པདྨའི་རིགས་སོ།། བསྐྱོད་པའི་བྱ་བ་བྱེད་པ་ཐམས་ཅད་ནི་ལས་ཀྱི་རིགས་སོ།། དེ་རྣམས་ཆ་མཉམ་པ་ལས་སྤྱིར་གྲུབ་པ་ནི་དངོས་སུ་བཞུགས་པ། དེ
355a2 བཞིན་གཤེགས་པའི་རིགས་སོ།། ཐམས་ཅད་བདག་ཉིད་མའི་འཁོར་ལྔའི་བྱིན་བརླབས་ནི་དབུས་སུ་གྱུར་པ་ཐམས་ཅད་དོ།། སྲ་བའི་རང་བཞིན་མེད་པ་ནི་ཡངས་པའི་སྤྱན་འཁོར་ལྔའི་བྱིན་བརླབས་སོ།། དྲོ་བའི
355a3 རང་བཞིན་མེད་པ་ནི་མཱ་མ་ཀཱི་འཁོར་ལྔའི་བྱིན་བརླབས་སོ།། གཤེར་བའི་རང་བཞིན་མེད་པ་ནི་གོས་དཀར་མོ་འཁོར་ལྔའི་བྱིན་བརླབས་སོ།། བསྐྱོད་པའི་རང་བཞིན་མེད་པ་ནི་སྒྲོལ་མའི་འཁོར་ལྔའི་བྱིན་བརླབས
355a4 སོ།། དོན་དུ་བྱ་བ་བྱེད་ནུས་པ་སེམས་དཔའོ།། དེ་བཞིན་དུ་རང་བཞིན་མེད་པ་ནི་སེམས་མའོ།། དེ་ལྟར་རིག་པ་ནི་ཁྲོ་བོ་དང་ཁྲོ་མོའོ།། དེ་ལ་བསྡུ་ཞིང་སྤྲོ་བ་ཡང་ཐམས་ཅད་དེ་ལྟར་བྱའོ།། ཕྱི་ནང་གི་ཆོས་ཐམས་ཅད
355a5 ལ་ཡང་དེ་ལྟར་བལྟའོ།། དེ་སྐད་ཅེས་དཔལ་རྣམ་པར་སྣང་མཛད་ཀྱིས་བཀའ་སྩལ་པ་ལ་རྡོ་རྗེ་གཞོན་ནུ་སྡེ་འབུམ་ཕྲག་དུ་མ་ཡི་རངས་ཏེ་འདི་སྐད་ཅེས་བསྟོད་དོ།། ཧཱུཾ། བསྐལ་པའི་མེ་ལྟར་འབར་བ་ཡི།། འོད་ཟེར
355a6 འདུ་འཕྲོ་ཀློང་དཀྱིལ་དུ།། ཁྲོ་བོ་ཁྲོ་མོ་རྣམས་བཞུགས་པ།། སྐུ་ནི་ཅིར་ཡང་སྒྱུར་བའི་གཟུགས།། ཧཱུཾ། དབུ་སྐྲ་ཁམ་གནག་རལ་པ་ཅན།། གྱེན་དུ་འཁྱིལ་བ་སྲིད་རྩེར་འབར།། མི་མཉམ་ཁྲོ་གཉེར་སྡང་མིག་ནི།། ལོག
iiif viewer powered by OpenSeadragon
