| e-texts navigator |
| Wylie |
354b1 ནོ།། དེ་ལྟར་བྱས་པའི་ཤུགས་ཀྱི་ཁྲོ་བོ་དང་ཁྲོ་མོ་འཁོར་དང་བཅས་པ་ནི་ཕྱི་ནང་ཐམས་ཅད་ཀྱི་དངོས་པོ་ལ་རྔོན་པས་རི་དྭགས་མཐོང་བ་བཞིན་ནོ།། དེ་ལྟར་ཞེ་སྡང་གི་ཤུགས་ཀྱིས་ཐམས་ཅད་དབྱིངས་ཉིད་ལ་སྦྱར
354b2 རོ།། འབྱོར་ན་འཁོར་བའི་ཆོས་ལ་སྤྱོད་ཀྱང་ལོངས་སྤྱོད་ཆེན་པོ་སྟེ། ཉོན་མོངས་པའི་འཆིང་བར་མི་འགྱུར་བས་དེ་ལྟར་སྒྲུབ་པ་ནི་འདོད་ཆགས་སོ།། ཆོས་ཀྱི་དབྱིངས་ངང་གིས་གསང་བ་ཕྲག་དོག་གོ། ཆོས་ཉིད་སྤྲོས
354b3 པ་མེད་པས་གཏི་མུག་གོ། ཆོས་ཉིད་དེ་ལྟ་བུ་ཁམས་གསུམ་ལས་རྒྱལ་བས་ང་རྒྱལ་ལོ། དེ་ལ་གཙོ་བོ་ནི་འཁོར་ལྔའི་བྱིན་བརླབས་ནི་ཐམས་ཅད་ལ་ཁྱབ་མོད་ཀྱི་ཉེ་བར་ནི་དབུ་དང་། མདུན་དང་། ཐོད་ཀ་ཡན་ཆད།
354b4 རྒྱབ་མཇུག་ཡན་ཆད་དོ།། མི་འཁྲུགས་པའི་འཁོར་ལྔའི་བྱིན་བརླབས་ནི་ཕྱག་གཡས་པ་དང་རྩིབ་ལོགས་གཡས་སོ།། རིན་ཆེན་འབྱུང་ལྡན་འཁོར་ལྔའི་བྱིན་བརླབས་ནི་ཕྱག་གཡོན་དང་རྩིབ་ལོགས་གཡོན་ནོ།། འོད
354b5 དཔག་མེད་འཁོར་ལྔའི་བྱིན་བརླབས་ནི། ཞབས་གཡོན་ནས་རྐེད་པ་གཡོན་མན་ཆད་དོ།། དོན་ཡོད་གྲུབ་པ་འཁོར་ལྔའི་བྱིན་བརླབས་ནི་ཞབས་གཡས་རྐེད་པ་གཡོན་མན་ཆད་དོ།། ཁྲོ་བོ་དང་ཁྲོ་མོ་ཐམས་ཅད་ནི
354b6 རིགས་སོ་སོའི་བྱིན་བརླབས་བཞིན་ནོ།། དེ་ལྟར་འཁོར་ལྔ་པོ་གཅིག་ལ་ཡང་ལྔ་ལྔར་འགྱུར་ཏེ། སྲ་བའི་བྱ་བ་བྱེད་པ་ཐམས་ཅད་ནི་རྡོ་རྗེའི་རིགས་སོ།། དྲོ་བའི་བྱ་བ་བྱེད་པ་ཐམས་ཅད་ནི་རིན་པོ་ཆེའི་རིགས
iiif viewer powered by OpenSeadragon
