| e-texts navigator |
| Wylie |
352b1 ཕྲེང་ལས་ཞི་བའི་ཧོམ་གྱི་ལེའུ་སྟེ་སུམ་ཅུ་ལྔ་པའོ།། །། ཕུར་པ་ཁ་དོག་དཀར་པོ་ལ།། མགོ་བོ་རྒྱ་མདུད་རྩེ་ཟླུམ་པོར།། ལྷ་རྣམས་བསྒོམས་ལ་གདབ་པར་བྱ།། འདི་ནི་ཞི་བའི་ལས་ལ་ཤིས།། འཕགས་པ་ཐབས
352b2 ཀྱི་ཞགས་པ་པདྨོ་ཕྲེང་ལས་ཞི་བའི་ཕུར་པའི་ལེའུ་སྟེ་སུམ་ཅུ་དྲུག་པའོ།། །། དངུལ་དང་འབྲས་ཆན་དཀར་པོ་རྣམས།། འོ་མར་སྦྱར་བའི་གཏོར་མ་ནི།། ཞི་བར་འགྱུར་བའི་གཏོར་མ་སྟེ།། མཁས་པས་ཞི་བར
352b3 བསྒོམས་ཤིང་གཏོར།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་གཏོར་མའི་ལེའུ་སྟེ་སུམ་ཅུ་བདུན་པའོ།། །། ལྷ་མོ་རྣམས་ཀྱི་དཀྱིལ་འཁོར་དུ།། ལྷ་ཡི་གྲུབ་པ་བསྒོམ་པར་བྱ།། བྱིན་གྱིས་ཐམས
352b4 ཅད་ཞི་བསྒོམས་ན།། ལྷ་རྣམས་ཀུན་ཀྱང་ཞི་བར་འགྱུར།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་སྤྱོད་པ་ལས་ཀྱི་ལེའུ་སྟེ་སུམ་ཅུ་བརྒྱད་པའོ།། །། མཚན་ཉིད་མེད་པའི་ཕྱག་རྒྱ་དང་།། དེ་ལས
352b5 དངོས་བྱུང་ཕྱག་རྒྱ་རྣམས།། ངེས་པ་མེད་པར་དཔའ་བོས་བཤད།། མཁས་པས་ཅི་དགར་བསྐུར་ན་འགྲུབ།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་བསྡུས་པའི་ལེའུ་སྟེ་སུམ་ཅུ་དགུ
352b6 པའོ།། །། དྲག་པོས་ཐམས་ཅད་འདུལ་བར་འགྱུར།། དབང་གིས་འབྱོར་བ་མཆོག་ཀྱང་འགྲུབ།། རྒྱས་པས་གཟི་བརྗིད་རྣམ་པར་འཕེལ།། ཞི་བས་བདེ་བའི་མཆོག་ཀྱང་འགྲུབ།། འཕགས་པ་ཐབས་ཀྱི་ཞགས
iiif viewer powered by OpenSeadragon
