| e-texts navigator |
| Wylie |
351a1 ཀུན།། ཆགས་པས་ཡུད་ལ་དབང་མཛད་དེ།། དབང་དུ་མ་གྱུར་གང་ཡང་མེད།། རྡོ་རྗེ་ཕྲ་མེན་མངགས་ནས་སུ།། བཀུག་ནས་ཁྲོ་བོ་ཆེན་པོ་ཡིས།། ཆགས་པའི་ཚུལ་གྱིས་དེ་ལུས་ལས།། དཔའ་དང
351a2 གཟི་བརྗིད་བསྡུས་ནས་འགྲུབ།། ཕྲ་མེན་རྣམས་ནི་མངགས་ནས་སུ།། དེ་ཡི་མིག་རྣ་སྣ་དང་ལྕེ།། ལུས་ངག་སེམས་བསྒྱུར་རྣམས་བསྒོམས་ན།། ཀུན་ལ་མཛེས་ཤིང་དགའ་བར་འགྱུར།། འཕགས་པ་ཐབས་ཀྱི་ཞགས
351a3 པ་པདྨོ་ཕྲེང་ལས་དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ།། །། ཧོམ་ཁུང་ཟླ་གམ་གདེངས་པ་ལ།། རྡོ་རྗེ་ཞགས་པས་བརྒྱན་པར་བྱ།། དེ་ནས་ལྷ་རྣམས་སྤྱན་དྲངས་ཏེ།། མི་ཕན་རྣམ་རྟོག་བསྲེགས་ན
351a4 འགྲུབ།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཧོམ་གྱི་ལེའུ་སྟེ་ཉི་ཤུ་ལྔ་པའོ།། །། ཟངས་སམ་ཁ་དོག་དམར་པོའི་ཤིང་།། མགོ་བོ་རྒྱ་མདུད་རྩེ་ཟླ་གམ།། མགོ་ལ་ཁྲོ་བོའི་འཁོར་བསྒོམས
351a5 ཏེ།། བཏབ་ན་ངེས་པར་དེ་དབང་འགྱུར།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཕུར་པའི་ལས་བཤད་པའི་ལེའུ་སྟེ་ཉི་ཤུ་དྲུག་པའོ།། །། ཟངས་ཕྱེ་དང་ནི་བུ་རམ་དང་།། དམར་པོའི་འབྲས་ཅན
351a6 ལ་སོགས་པ།། སྦྱར་བས་གཏོར་མ་གཏང་བར་བྱ།། མཐོང་བས་ངེས་པར་དེ་དབང་འགྱུར།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་གཏོར་མའི་ལེའུ་ཉི་ཤུ་བདུན་པའོ།། །། ཁྲོ་མོ་རྣམས་ཀྱི
iiif viewer powered by OpenSeadragon
