| e-texts navigator |
| Wylie |
349b1 འཁྱིལ་པའི་ཕྱག་རྒྱ་ཞེས།། དཔའ་བོ་ཆེན་པོས་ཡང་དུ་བཤད།། ལག་པ་གཡས་གཡོན་བསྣོལ་བ་དང་།། རྐང་པ་བརྐྱང་བསྐུམ་བྱས་པ་ནི།། ཁམས་གསུམ་རྒྱལ་བའི་ཕྱག་རྒྱ་ཞེས།། མགོན་པོ་དཔའ་བོས་ཡང་དུ
349b2 བཤད།། ལག་པ་གཡས་གཡོན་སྤྲུགས་པ་དང་།། ལུས་ཀྱང་དྲག་ཏུ་གསིགས་པ་ནི།། རྡོ་རྗེ་ཕྲ་མེན་མ་རྣམས་ཀྱི།། ཕྱག་རྒྱ་ཡིན་པར་འདྲེན་པས་བཤད།། ཕྱག་རྒྱ་འདི་དག་བཅིངས་ནས་ནི།། སྟབས་ཆེན་དྲག་ཏུ
349b3 མཆོངས་བྱས་ན།། ཁམས་གསུམ་དག་ལས་མཆོངས་པར་འགྱུར།། གཞན་ཡང་གོ་འཕང་ཐམས་ཅད་ཀུན།། གྲུབ་པར་གྱུར་ཏེ་ཐེ་ཚོམ་མེད།། རིག་པའི་སྐྱེས་བུ་ཆེན་པོས་བཤད།། འཕགས་པ་ཐབས་ཀྱི་ཞགས་པ་པདྨོ།
349b4 ཕྲེང་ལས་ཕྱག་རྒྱའི་ལེའུ་སྟེ་བཅུ་དྲུག་པའོ།། །། འཁོར་ལོ་ཆེན་པོའི་རྩིབས་བརྒྱད་པའི།། དཀྱིལ་དུ་ཁྲག་འཐུང་སྤྱན་དྲངས་ཏེ།། མདུན་དུ་ཧཱུཾ་ཡང་སྤྱན་དྲང་ངོ་།། རྒྱབ་ཏུ་སྟོབས་ཆེན་སྤྱན་དྲངས་ནས།། འཁོར་ལོ
349b5 རྩིབས་ཀྱི་སྟེང་དག་ཏུ།། བཅུ་པོ་རྣམས་ཀྱང་གོ་རིམས་བཞིན།། སོ་སོའི་གནས་སུ་སྤྱན་དྲངས་ཏེ།། དམར་གྱི་ཨརྒྷ་གསོལ་ནས་ནི།། མཆོད་ཡོན་གཞན་ཡང་དབུལ་བར་བྱ།། རྡོ་རྗེ་དབྱངས་ཀྱིས་བསྟོད་བྱས་ཏེ།། དེ
349b6 ནས་ལས་རྣམས་བསྒྲུབ་པར་བྱ།། ཞེ་སྡང་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམ་ཀུན།། ཁྲོས་པས་ཡུད་ཙམ་རླག་མཛད་དེ།། བརླག་པར་མ་གྱུར་གང་ཡང་མེད།། འཕགས་པ་ཐབས་ཀྱི་ཞགས
iiif viewer powered by OpenSeadragon
