| e-texts navigator |
| Wylie |
349a1 སྦྱར་གྱེན་དུ་བསྒྲེང་།། རྐང་པ་ཕྲལ་ནས་བརྐྱང་བསྐུམ་ཞིང་།། གོམ་པའི་སྟབས་ཀྱིས་གར་བྱེད་པ།། འདི་ནི་ཧཱུཾ་གི་རྒྱ་ཆེན་ཡིན།། རྐང་པ་ཕྲལ་མཐིལ་ཐུར་དུ་གཟུགས།། ལག་པ་ཕྲལ་ནས་གར་བྱེད
349a2 ཅིང་།། སྟབས་སུ་མཆོད་པར་བྱེད་པ་ནི།། འདི་ནི་སྟོབས་ཆེན་ཕྱག་རྒྱ་ཡིན།། རྐང་པ་གཡོན་གྱིས་གཡས་ལ་འཁྱུད།། ལག་པ་གར་ཐབས་བསྐོར་ནས་ཀྱང་།། ཐལ་མོ་དྲག་ཏུ་བརྡབས་པ་ནི།། རྣམ་པར་རྒྱལ་བའི་ཕྱག
349a3 རྒྱ་ཡིན།། ལག་པ་གཡས་གཡོན་མཐེ་བོ་ཡིས།། མཐེའུ་ཆུང་སེན་མོའི་མཐིལ་དུ་གནོན།། གདོངས་པའི་ཐབས་སུ་བསྒྲེང་བ་ནི།། དབྱུག་སྔོན་ཅན་གྱི་ཕྱག་རྒྱ་ཡིན།། ལག་པ་གཡས་པའི་ཁུ་ཚུར་གྱིས།། རྡེག
349a4 པའི་ཐབས་སུ་གདེངས་པ་དང་།། གཡོན་པ་དཀུ་ལ་བརྟེན་པ་ནི།། གཤིན་རྗེ་འཇོམས་པའི་ཕྱག་རྒྱ་ཡིན།། ལག་པ་གཡས་པའི་ཐལ་མོ་ཡིས།། གདབ་པའི་ཐབས་སུ་གདེངས་པ་དང་།། གཡོན་གྱིས་འཛིན་པ་ལྟར
349a5 བྱས་པ།། མི་གཡོ་མགོན་གྱི་ཕྱག་རྒྱ་ཡིན།། ལག་པ་ཐལ་མོ་སྦྱར་ནས་ནི།། གུང་མོ་རྒྱབ་ཏུ་བསྣོལ་བར་བྱ།། མཐེ་བོ་གཉིས་ཀྱང་ཕྲལ་ཏེ་བསྒྲེང་།། སྤྱི་བོར་བཞག་པ་གྲེ་བའི་རྒྱ།། རྐང་པ་གཡས་པ་ཐུར་དུ
349a6 གཟུགས།། ལག་པ་གཡས་པ་གྱེན་དུ་བསྒྲེང་།། གཡོན་པའི་རྐང་པ་ལག་ཕྱར་བའི།། གཞན་གྱིས་མི་ཐུབ་ཕྱག་རྒྱ་ཡིན།། ལག་པ་གཡས་གཡོན་དཀུར་བརྟེན་ཏེ།། རྐང་པ་གཤིབས་ཏེ་མཆོངས་པ་ནི།། བདུད་རྩི
iiif viewer powered by OpenSeadragon
