| e-texts navigator |
| Wylie |
347b1 སྩལ་བའི་དབྱངས་འདི་གསུངས་སོ།། ཁ་ག་ལྱ་ཤ་ཏ་བ་ཀ། ཨ་ལ་ལ་ཧོཿ། མ་ཧ་པཉྩ་ཨ་མྲྀ་ཏ། ཁ་རཾ་ཡོ་གི་ནི། ཁ་རཾ་ཊ་ཀི་ནི། ཨ་ལ་ལ་ཧོཿ། བྷ་ག་བཱན་ཁ་ཁ་ཁ། ལྷ་མོ་རྣམས་རྔ་རྡུང་། དབྱངས་ལེན། རྒྱུད་གསུམ་གྱི
347b2 ཚིག། ཏེ་གྷཾ་ཏེ་གྷཾ། ཏེ་གྷཾ། ཏེ་གྷཾ། ཏ་གྷཾ་ཏ་གྷཾ། གྷཾ་གྷཾ་གྷཾ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རིག་སྔགས་གཅོད་པའི་ལེའུ་སྟེ་བཅུ་གཅིག་པའོ།། །། སེམས་དཔའ་ཆེན་པོ་ཉོན་ཅིག། བསྐལ་པའི་མེ
347b3 ལྟར་འབར་བ་ཡི།། འོད་ཟེར་འདུ་འཕྲོའི་ཀློང་དཀྱིལ་ན།། ཁྲོ་བོ་ཆེན་པོ་རྣམས་བཞུགས་པ།། བརྐྱང་བསྐུམ་ཚུལ་གྱིས་གནས་པ་སྟེ།། དབུས་ཀྱི་ཁྲག་འཐུང་ཆེན་པོ་ནི།། དབུ་དགུ་ཕྱག་ཀྱང་བཅཝ་བརྒྱད་དེ།། གཤོག་པ
347b4 རྡོ་རྗེ་གཏམས་པ་གདེངས།། ཞབས་ཀྱང་བརྒྱད་དུ་རྣམ་པར་བསྟན།། དེ་ཡི་དཀྱིལ་འཁོར་ཁྲོ་བོ་ནི།། དབུ་གསུམ་ཕྱག་དྲུག་གཤོག་པ་ཅན།། ཞབས་དྲུག་རྡོ་རྗེའི་བྲག་སྟེང་ན།། འཇིག་རྟེན་སྐྱོང་བས་འདུད་ཚུལ
347b5 ལོ།། དེ་ཡི་ཕོ་ཉ་བཀའ་ཉན་ནི།། རྡོ་རྗེ་ཕྲ་མེན་གཏུམ་ཕག་ཅན།། འཇིགས་པའི་གཟུགས་ཅན་མང་པོ་སྟེ།། དེ་དག་ཅིར་ཡང་འགྲུབ་པར་བྱེད།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཁྲོ་བོའི་དཀྱིལ
347b6 འཁོར་ཐམས་ཅད་ཀྱི་ལེའུ་སྟེ་བཅུ་གཉིས་པའོ།། །། རྡོ་རྗེ་སྲིན་མོ་ཆེན་མོ་ནི།། འཇིགས་བྱེད་ཆེན་མོར་སྣང་བ་སྟེ།། ཕྱག་ཀྱང་སྲིན་མོ་ཆེན་པོ་ལྟར།། མཐུན་ཏེ་ཞབས་ཀྱང་དེ་དང་འདྲ།། དེ་ལྟ་བུ་ཡི་དཀྱིལ
iiif viewer powered by OpenSeadragon
