| e-texts navigator |
| Wylie |
347a1 ཅད་ཀྱི་ཡེ་ཤེས་ཀྱི་འོད་ཟེར་འབར་བས་ཕྱོགས་བཅུར་ཁྱབ་པར་བགྱིའོ།། ལྷ་མོ་བློ་ལྡན་ཚོགས་ཀྱི་བདག། ཧེ་རུ་དཔལ་ལ་ཕྱག་འཚལ་ལོ།། སློབ་དཔོན་ལ་ནི་བརྙས་བྱེད་དང་།། རྣལ་འབྱོར་བར་དུ
347a2 གཅོད་པ་དང་།། དམ་ཚིག་གཉེན་པོ་དྲལ་བ་དང་།། རྡོ་རྗེ་སྤུན་ལ་འཁུ་བྱེད་རྣམས།། ཁྱེད་ཀྱིས་རྡུལ་དུ་བརླགས་ནས་ནི།། གནོད་སེམས་མ་ལུས་གཏན་ནས་ཕྱུང་།། དཔལ་ཆེན་པོ་སྟ་ན་དང་ག་ནའི་གནས་སུ་ཚོགས
347a3 ཆེན་པོ་ལ་གཤེགས་པའི་ཚེ་སྐུ་གསུང་ཐུགས་ཀྱི་ཁྲོ་བོའི་གཟི་བྱིན་གྱིས་གདུག་པ་ཐམས་ཅད་གཏན་ནས་འབྱིན་ཅིང་ལོངས་སྤྱོད་ཆེན་པོ་འགྱིང་ཞིང་འགྱིང་བའི་གླུ་བླངས་ཏེ་ཐམས་ཅད་དགྱེས་པར་མཛད་པའི་དབྱངས
347a4 འདིས་དགྱེས་པར་མཛད་དོ།། རྡོ་རྗེ་པདྨོའི་ཕྱག་རྒྱ་དཔྲལ་བར་བཅིངས་ཏེ། ཕྱར་ནས་མཆོང་ཞིང་འཁོར་ཐམས་ཅད་གཅེར་བུར་བྱུང་ནས་སྐྲ་ཤིག་ཅིང་བརྒྱུགས་ཏེ། སྔགས་འདི་གསུངས་སོ།། ཨོཾ་ཨེ་ཨཱ་ར་ལི་ཧོཿཧྲིཾ་ཧྲིཾ
347a5 ཧྲིཾཧྲིཏྲི། དེ་ནས་ཚོགས་སུ་གཤེགས་ནས་འཁོར་ཐམས་ཅད་ལ་སྤྱན་བགྲད་པས་གཟིགས་ཤིང་འཛུམ་པའི་བརྡ་ཧ་ཧ་སཾ་སཾ་སྒྲ་ཕྱུང་སྟེ། འཁོར་ཐམས་ཅད་ཀྱིས་མགྲིན་གཅིག་ཏུ་དབྱངས་འདིས་གཙོ་བོ་ལ་བསྟོད་དོ།། ཨེ
347a6 མའོ་ཆོས་ཀྱི་དོན་བྱུང་བ།། ཆོས་དོན་དག་པ་བདག་མེད་པ།། ནམ་མཁའ་དང་ནི་མཉམ་པའི་གནས།། རྡོ་རྗེ་རྒྱལ་ལ་ཕྱག་འཚལ་ལོ།། ཞེས་བསྟོད་པས་གཙོ་བོ་མཉེས་ནས་འཁོར་ཐམས་ཅད་ལ་གཟིགས་ཤིང་དམ
iiif viewer powered by OpenSeadragon
