| e-texts navigator |
| Wylie |
344b1 ཨཱཿ།། གཡོན་ན་ཨ་མི་ཏཱ་བྷ་སྟེ།། ཧྲཱིཿབྷྲཱུཾ་ལས་རྡོ་རྗེ་འཁོར་ལོ་ལ།། རྡོ་རྗེ་རྣམས་ནི་རིག་སྔགས་བརྟག། ཀཽ་རི་དང་ནི་ཙཽ་རི་དང་།། ཕྲ་མོ་ཧ་དང་བེཎྜ་ལི།། གཞན་ཡང་བྷ་གྷྲཾ་མུ་ཁཱ་དང་།། སིདྷ་ལ་སོགས་མགྱོགས་མ
344b2 རྣམས།། སྟི་ར་ལ་ནི་འབྲི་ཚུགས་སུ།། བལྟ་ཞིང་རྟོད་པའི་ཚུལ་བཞིན་གནས།། ཧ་ཧ་དེ་ནས་སྐད་ཅིག་ལ།། རིག་སྔགས་ཉིད་དང་སྦོད་གཏོང་བཅས།། དགུག་པའི་ཕོ་ཉར་བརྟག་པར་བྱ།། རས་སམ་གྲོ་གའམ་རྩ
344b3 རྣམས་ལ།། ཁྲོ་བོའི་གཟུགས་སུ་བྲིས་པའམ།། ཡང་ན་སྐུད་པ་ནག་པོས་བཅིང་།། ཧ་ཧ་གད་མོ་ཆེན་པོ་དང་།། རྡོ་རྗེ་སྐུལ་བའི་གླུ་བླངས་ཏེ།། ཕོ་ཉ་རྣམས་ལ་མངག་པར་བྱ།། དེ་ནས་རིག་སྔགས་བཟུང་ནས
344b4 ཀྱང་།། རྩ་ཡི་གཟུགས་ལ་གནས་པ་དང་།། འཁོར་ལོ་ལ་སོགས་མཚོན་ཆ་ཡིས།། དེ་དག་ཕྱེ་མར་བརླག་པར་བྱ།། བཛྲ་ཙཀྲ་ཧཱུཾ། ཕྱེ་མར་དེ་དག་གཏུབས་ནས་ནི།། ཐོད་པ་གཞུ་དང་བཅས་པ་ཡིས།། ཧོམ་ཁུང་གྲུ
344b5 གསུམ་སྒོ་ཅན་དུ།། རཾ་ཞེས་བྱ་བའི་མེ་སྦར་ཏེ།། དྲང་སྲོང་འཁོར་བཅས་གཡབ་མོས་བོད།། དེ་ནས་རིག་སྔགས་བསྲེག་པར་བྱ།། དེ་ལྟར་ལྷ་དང་བདག་སྦྱར་ན།། རྣམ་ལྔའི་ཆས་དང་ལྡན་པར་བྱ།། མ་མོ་ཆེན་མོ་ཤ
344b6 ལ་སྤྱོན།། འབྱུང་པོའི་ཤ་ནི་ཟན་པས་ཞིམ།། འབྱུང་པོའི་ཁྲག་ནི་ཆང་བས་ཞིམ།། མ་མོ་ཆེན་མོ་ཁྲག་ལ་སྤྱོན།། གླུ་དང་གར་དང་གད་རྒྱངས་ཀྱིས།། སོ་སོར་མཆོད་དེ་བསྒྲུབ་པར་བྱ།། ཟིན་པའི་སེམས་ཅན་གང་ཡང
iiif viewer powered by OpenSeadragon
