| e-texts navigator |
| Wylie |
344a1 གསུམ་ཐམས་ཅད་འདུལ་བར་བགྱིད་པ། མཐུ་བོ་ཆེ་ཐམས་ཅད་འདུལ་བར་འགྱི་བ། མཐུ་བོ་ཆེ་ཐམས་ཅད་ཀྱི་ང་རྒྱལ་གཅོག་པ་བདག་ལགས་ཏེ། ཇི་ལྟར་བཅོམ་ལྡན་འདས་ཤཱཀྱ་ཐུབ་པས་མཐུ
344a2 སྟོབས་དང་ལྡན་པའི་སླད་དུ་བདག་གི་མིང་ཡང་ལག་ན་རྡོ་རྗེ་ཞེས་བཏགས་ན་འདིར་རྡོ་རྗེ་སེམས་དཔའ་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས་སྔགས་འདི་སྨྲས་པས་བདག་ཀྱང་ཁྲག་ཏུ་སྐྱུག་ཅིང་འགྱེལ་བར
344a3 གྱུར་ན་གཞན་ལྟ་ཅི་སྨོས། འདི་ནི་འདའ་བར་དཀའོ།། དེ་བཞིན་དུ་ལྷ་དང་གནོད་སྦྱིན་རྣམས་ལ་ཡང་བསྒོའོ།། དེ་ནས་བཅོམ་ལྡན་འདས་ཀྱིས་མ་འོངས་པའི་དུས་ན་གསང་སྔགས་འདི་སྒྲུབ་པའི་ཆོ་ག་བཤད་དེ་མཾ
344a4 ལས་ཉི་མའི་དཀྱིལ་འཁོར་དུ།། དཔལ་ཆེན་ཁྲག་འཐུང་སྤྱན་དྲང་ངོ་།། སྐུ་ནི་དུད་ཀ་ཆེན་པོ་ལ།། དབུ་སྐྲ་ཁམ་ནག་རལ་པ་ཅན།། དབུ་གསུམ་པ་ལ་ཕྱག་དྲུག་སྟེ།། དམར་དང་དུད་ཀ་གནག་པ་ཡིན།། གཡས་ཀྱི
344a5 གསུམ་ན་ཐོགས་པ་ནི།། སྟི་རའི་དབྱུག་པ་ཆེན་པོ་དང་།། དུང་ཆེན་དམར་གྱིས་བཀང་པ་ལ།། རྡོ་རྗེས་དཀྲུག་ཅིག་འཐུང་བར་བརྟག། གཡོན་གྱི་གསུམ་ན་ཐོགས་པ་ནི།། སྟི་རའི་རྒྱུ་མའི་ཞགས་པ་དང་།། ཁྱུང་གི
344a6 ཁྲག་ཆེན་ཐོགས་པ་དང་།། སྟི་ར་ཕྲ་མོའི་གསུས་པ་ནས།། གློ་སྙིང་ནང་གྲོལ་འདྲེན་ཅིང་ཟ།། གཙུག་ཏུ་རྣམ་པར་སྣང་མཛད་ཉིད།། ཨོཾ་ཕྲག་གཡས་ལ་ཨ་ཀྵ་བྷྱཿཧཱུཾ།། གཡོན་རཏྣ་སམྦྷ་བ་ཏྲཾ།། རྐང་གཡས་ཨ་མོ་གྷ་སིདྡྷི
iiif viewer powered by OpenSeadragon
