| e-texts navigator |
| Wylie |
343b1 དེ། ལག་ན་རྡོ་རྗེ་ཁྱོད་ཉིད་ཀྱིས་བྱས་པའི་གསང་སྔགས་དང་། སྲིད་པ་ཟད་པར་བྱས་པའི་གསང་སྔགས་ཐམས་ཅད་ཀྱང་ཟློག་པར་བྱེད་དོ།། གནོན་པར་བྱེད་དོ།། སྦྱོར་བ་གཅོད་པར་བྱེད་པ་ཀུན་དུ་རྒྱུ་ལ་སོགས་པ
343b2 གཞན་ལྟ་ཅི་སྨོས།། དེ་ནས་བཅོམ་ལྡན་འདས་ཀྱིས་རྡོ་རྗེ་མཚོན་ཆའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྡོ་རྗེ་ལས་གསང་སྔགས་ཟློག་ཅིང་གནོན་པ་དང་།། སྦྱོར་བ་གཅོད་པ་ཞེས་བྱ
343b3 བ་འདི་གསུངས་སོ།། ཨོཾ་བཛྲ་ཛ་ལ་བཛྲ་ཧཱུཾ། མནྟ་སུཾ་བྷ་ནི། ཨོཾ་བཛྲ་ཛ་ལ་ཧཱུཾ། ཨོཾ་བྷྲཱུཾ་ཧཱུཾ་བྷྲཱུཾ་ཏྲཾ་བྷྲཱུཾ་ཧཱུཾ་བྷྲཱུཾ་ཧྲཱིཿབྷྲཱུཾ་ཨཱ་བྷྲཱུཾ། འདི་གསུངས་མ་ཐག་ཏུ་ཕྱོགས་བཅུ་ནས་མཚོན་ཆའི་ཆར་ཆེན་པོ་ཕབ་སྟེ་ལག་ན་རྡོ་རྗེ་ཉིད་ཀྱང
343b4 ཁས་སྦུབ་ཏུ་འགྱེལ་ནས་ཁྲག་སྐྱུག་པར་གྱུར་ཏོ།། ལྷ་དང་གནོད་སྦྱིན་ཐམས་ཅད་ཀྱང་བརྒྱལ་ཏེ་ལུས་དུམ་བུ་དུམ་བུར་ཆད་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་དེ་དག་གི་སྦྱོར་བ་ཆད་པར་རིག་ནས་སླར
343b5 བསླང་སྟེ། ཨོཾ་བཛྲ་སཏྭ་རཱ་ཛ་དྷ། དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཀྱང་འདི་ལས་འདའ་བར་མ་བྱེད་ཅིག། ཁྱོད་ཀྱི་འཁོར་ཐམས་ཅད་ཀྱང་འདི་ལས་འདའ
343b6 བར་བྱེད་ན་ཐམས་ཅད་བརླག་པར་འགྱུར་རོ།། དེ་བཞིན་དུ་ལག་ན་རྡོ་རྗེ་ཁྱོད་ཀྱིས་ཀྱང་ལྷ་དང་གནོད་སྦྱིན་ཐམས་ཅད་ལ་བསྒོ་ཤིག། དེ་ནས་ལག་ན་རྡོ་རྗེས་གསོལ་པ། བཅོམ་ལྡན་འདས་འདི་ན་སྲིད་པ
iiif viewer powered by OpenSeadragon
