| e-texts navigator |
| Wylie |
342a1 མནན་པ་ནི།། རྡོ་རྗེ་སྨྲ་བའི་རྒྱ་ཆེན་ཡིན།། ལག་པའི་མཁྲིག་མ་བསྣོལ་བ་ལས།། གུང་མོ་གཉིས་ཀྱི་ཚིགས་དང་པོར།། ངོས་བཞིར་ས་ཡི་སོར་མོ་བརྟེན།། རྡོ་རྗེ་ལས་ཀྱི་ཕྱག་རྒྱ་ཡིན།། ལག་པ་གཉིས
342a2 ཀྱི་སོར་མོ་རྣམས།། ཕན་ཚུན་ཟགས་སུ་བཏགས་པ་ལས།། མཐེ་བོ་གཉིས་ནི་བསྒྲེང་བར་བྱ།། རྡོ་རྗེ་བསྲུང་བའི་ཕྱག་རྒྱ་ཡིན།། རྡོ་རྗེ་ཁུ་ཚུར་བཅངས་པ་ལས།། མཛུབ་མོ་གཉིས་ནི་བསྒྲེང་ནས་ཀྱང་།། ཁ་འགྲམ
342a3 གཉིས་སུ་གཟུང་བར་བྱ།། རྡོ་རྗེ་གནོད་སྦྱིན་རྒྱ་ཆེན་ཡིན།། རྡོ་རྗེ་ཁུ་ཚུར་བཅངས་པ་ལས།། བསྣོལ་ཏེ་ཁ་ནི་སྦྱར་ནས་ཀྱང་།། ཐུགས་ཀར་དམ་དུ་གཟུང་བར་བྱ།། རྡོ་རྗེ་ཁུ་ཚུར་རྒྱ་ཆེན་ཡིན།། རིགས་ཀྱི་ཕྱག་རྒྱ
342a4 བསྒོམ་ནས་ནི།། ལག་གི་འདུ་ཤེས་འདི་དག་གིས།། འདུ་འཕྲོ་མོས་པ་བསྐྱེད་ནས་ནི།། བཅིང་ཞིང་མཁའ་ལ་དགྲོལ་བར་བྱ།། མཐེ་བོ་མཐེ་ཆུང་ནང་དུ་སྤྲད།། གུང་མོ་རྩེ་སྦྱར་བཞི་ཡང་བསྒྲེང་།། རྡོ་རྗེ་འཛིན་ལྟར
342a5 རྟིང་སྤྲད་པ།། རྡོ་རྗེ་འཛིན་པའི་ཕྱག་རྒྱ་ཡིན།། རྟིང་སྦྱར་མཐེབ་མཛུབ་རྩེ་སྦྱར་ཏེ།། མཛུབ་མོའི་མིག་ཏུ་མཐེ་ཆུང་དྲང་།། ལྷག་མ་རྩེ་གསུམ་ལྟར་བྱས་པ།། རྡོ་རྗེ་སྤྱན་གྱི་ཕྱག་རྒྱ་ཡིན།། ལག་ངར་གཡོན་པ་བསྒྲེང་ནས
342a6 ཀྱང་།། སོར་མོ་ཨུཏྤལ་ལྟར་བྱས་པ།། གཡས་ཀྱི་སོར་མོ་གཟུང་བར་བྱ།། རྡོ་རྗེ་སྒྲོལ་མའི་ཕྱག་རྒྱ་ཡིན།། རྐང་པ་གཉིས་ཀྱི་པུས་མོ་དང་།། ལག་པ་གཉིས་ཀྱི་གྲུ་མོ་རྣམས།། སྤྲད་ནས་ལག་པ་གདེངས་པ་ནི།། ཀུན་ཏུ
iiif viewer powered by OpenSeadragon
