| e-texts navigator |
| Wylie |
341b1 དེ།། གཡས་ཀྱི་གུང་མོ་བརྐྱང་ནས་གདེང་།། རྡོ་རྗེ་འདོད་པའི་རྒྱ་ཆེན་ཡིན།། ལག་པ་གཉིས་ཀྱི་སོར་མོ་རྣམས།། སོ་སོའི་གུང་མོ་ཚིགས་དང་པོར།། ངོས་བཞི་ནས་ནི་རྩེ་མོ་གཟུགས།། རྡོ་རྗེ་ལེགས་པའི་རྒྱ་ཆེན
341b2 ཡིན།། རྟིང་སྦྱར་གུང་མོའི་རྩེ་སྤྲད་དེ།། མཐེབ་མཛུབ་སྲིན་ལག་ཚིགས་བཅག་སྟེ།། དྲུག་ཆར་རྩེ་སྦྲད་མཐེ་ཆུང་སྦས།། རྡོ་རྗེ་རིན་ཆེན་རྒྱ་ཆེན་ཡིན།། མཐེ་བོ་མཐེ་ཆུང་རྩེ་སྤྲད་ནས།། ལུ་གུ་རྒྱུད་དུ་སྦྲེལ་བར་བྱ།། ལྷག
341b3 མ་འོད་ལྟར་བྱས་ན་ནི།། རྡོ་རྗེ་ཉི་མའི་རྒྱ་ཆེན་ཡིན།། ལག་ངར་གཡོན་པ་བསྒྲེང་ནས་ནི།། རྡོ་རྗེ་ཁུ་ཚུར་བཅངས་པ་ལས།། གཡས་པ་གྲུ་མོར་གཟུང་བར་བྱ།། རྡོ་རྗེ་རྒྱ་མཚན་རྒྱ་ཆེན་ཡིན།། གཡོན་གྱི་སྟེང་དུ་གཡས
341b4 བཞག་ནས།། སོར་མོའི་ཚིགས་བཅག་སྤྲད་བྱས་ཏེ།། ཁ་ཡིས་ཐད་ཀར་གཟུང་བར་བྱ།། རྡོ་རྗེ་བཞད་པའི་རྒྱ་ཆེན་ཡིན།། གཡོན་གྱི་སོར་མོའི་རྩེ་རྣམས་ཡིན།། མ་ཕྲད་ཙམ་དུ་བསྡུས་པ་ལས།། གཡས་ཀྱིས་འབྱེད་པ
341b5 ལྟར་བྱས་པ།། རྡོ་རྗེ་ཆོས་ཀྱི་རྒྱ་ཆེན་ཡིན།། གཡས་ཀྱི་ལག་ངར་སྒྲེང་བ་ལ།། མཐེ་བོ་མཐེ་ཆུང་རྩེ་སྤྲད་དེ།། ལྷག་མ་གསུམ་ཡང་བསྒྲེང་བར་བྱ།། གཡོན་པའི་ཁུ་ཚུར་དཀུར་བརྟེན་པ།། རྡོ་རྗེ་རྣོན་པོའི་རྒྱ་ཆེན་ཡིན།།
341b6 ལག་པ་རྒྱ་གྲམ་རྩེ་བསྣོལ་ནས།། མཐེ་བོ་གཉིས་ཀྱི་རྩེ་སྤྲད་དེ།། བསྐོར་བ་ལྟ་བུར་བྱས་པ་ནི།། རྡོ་རྗེ་འཁོར་ལོའི་རྒྱ་ཆེན་ཡིན།། སོར་མོ་ནང་དུ་བསྣོལ་བ་ལས།། གུང་མོ་རྩེ་སྤྲད་མཛུབ་སྦྱར་ཏེ།། མཐེ་བོས་གུང་མོ
iiif viewer powered by OpenSeadragon
