| e-texts navigator |
| Wylie |
341a1 མནན།། མཐེ་བོ་རྩེ་སྤྲད་པང་དུ་བླང་།། རྣམ་པར་སྣང་མཛད་རྒྱ་ཆེན་ཡིན།། རྡོ་རྗེ་ཁུ་ཚུར་བཅངས་པ་ལས།། གཡས་ཀྱི་མཛུབ་མོ་གཡོན་གྱིས་བཟུང་།། ཚོགས་པས་གཅིག་ལ་གཅིག་བཟུང་བ།། འདི
341a2 ནི་སྦྱོར་བའི་རྒྱ་མཆོག་གོ།། མཐེ་བོ་གཉིས་དང་མཐེབ་ཆུང་གཉིས།། སོ་སོར་རྩེ་སྤྲད་ཟླུམ་པོ་སྟེ།། ལྷག་མ་འོད་འཕྲོ་རྟིང་ཕྱེ་བ།། མི་བསྐྱོད་པ་ཡི་ཕྱག་རྒྱ་ཡིན།། རྟིང་སྤྲད་གུང་མོ་རྩེ་སྦྱར་ཏེ།། མཛུབ་མོ་ཚིགས་བཅག
341a3 གུང་ལ་སྦྱར།། སྲིན་མཐེབ་རྩེ་སྤྲད་མཐེ་ཆུང་སྦ།། རིན་ཆེན་འབྱུང་བའི་ཕྱག་རྒྱ་ཡིན།། གུང་མཛུབ་སྲིན་ལག་རྩེ་སྤྲད་དེ།། མཐེ་ཆུང་ངོས་ལ་སྦྱར་བར་བྱ།། མཐེ་བོ་རྩེ་སྤྲད་ཟླུམ་པོ་སྟེ།། སྣང་བ་མཐའ་ཡས་ཕྱག་རྒྱ
341a4 ཡིན།། ཐལ་མོ་སྦྱར་ནས་སོ་སོར་བགྲད།། བསྐྱོད་ནས་འཁོར་ལོ་ལྟར་བྱས་ཏེ།། གློག་གི་ཕྲེང་བས་འཁོར་བར་བྱ།། དོན་ཡོད་གྲུབ་པའི་ཕྱག་རྒྱ་ཡིན།། ཕྱག་རྒྱའི་རྒྱལ་པོ་འདི་དག་ནི།། ཐུགས་ཀར་བཅིང་ཞིང་ཉིད་དུ
341a5 མོས།། འདུ་འཕྲོ་སྒྲོལ་ཞིང་མཁའ་ལ་དགྲོལ།། ལས་དང་ཐུན་མོང་ཉིད་དུ་བཤད།། རྡོ་རྗེ་དྲིལ་བུ་བཟུང་ནས་ནི།། ཐུགས་ཀར་རང་ནི་དཀུར་བརྟེན་ནས།། གཅུ་ཐབས་ཟུར་གྱིས་ལྟ་བ་ནི།། རྡོ་རྗེ་སེམས་དཔའི་རྒྱ་ཆེན
341a6 ཡིན།། ལག་པ་བསྣོལ་ནས་ཁུ་ཚུར་བཅང་།། གུང་མོ་གཉིས་ནི་བརྐྱང་བར་བྱ།། མཛུབ་མོ་ལྕགས་ཀྱུ་ལྟར་བྱས་པ།། རྡོ་རྗེ་རྒྱལ་པོ་རྒྱ་ཆེན་ཡིན།། ལག་པ་ཁུ་ཚུར་བཅངས་པ་ལས།། གཡོན་གྱི་མཐེབ་མཛུབ་རྩེ་སྤྲད
iiif viewer powered by OpenSeadragon
