| e-texts navigator |
| Wylie |
339b1 ཀྱི་སྒྲ།། སྣ་ཚོགས་ཅིར་ཡང་སྣང་མོད་ཀྱི།། ཀུན་ཏུ་རིན་ཆེན་ལྟ་བུ་སྟེ།། དོན་དང་ལས་ཡིན་བསྒོམས་པས་འགྲུབ།། དབུ་མིག་རྣ་བ་སྣ་ལྕེ་ལ།། ཨོཾ་ཞེས་བྱ་བ་ལྔ་བཞག་སྟེ།། གཙོ་བོ་ལྔ་དང་གཙོ་མོ་ལྔ།། སྦྱོར་བའི་ཚུལ
339b2 དུ་བསྒོམ་པར་བྱ།། ལག་པ་གཡས་པའི་སོར་མོ་ལ།། ཧཱུཾ་ཞེས་བྱ་བ་ལྔ་བཞག་སྟེ།། སེམས་དཔའ་ལྔ་དང་སེམས་མ་ལྔ།། སྦྱོར་བའི་ཚུལ་དུ་བསྒོམ་པར་བྱ།། ལག་པ་གཡོན་པའི་སོར་མོ་ལ།། ཏྲཱཾ་ཞེས་བྱ་བ་ལྔ་བཞག།
339b3 སྟེ།། སེམས་དཔའ་ལྔ་དང་སེམས་མ་ལྔ།། སྦྱོར་བའི་ཚུལ་དུ་བསྒོམ་པར་བྱ།། རྐང་པ་གཡོན་པའི་སོར་མོ་ལ།། ཧྲཱིཿཞེས་བྱ་བ་ལྔ་བཞག་སྟེ།། སེམས་དཔའ་ལྔ་དང་སེམས་མ་ལྔ།། སྦྱོར་བའི་ཚུལ་དུ་བསྒོམ་པར
339b4 བྱ།། རྐང་པ་གཡས་པའི་སོར་མོ་ལ།། ཨཱཿཞེས་བྱ་བ་ལྔ་བཞག་སྟེ།། སེམས་དཔའ་ལྔ་དང་སེམས་མ་ལྔ།། སྦྱོར་བའི་ཚུལ་དུ་བསྒོམ་པར་བྱ།། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལྷའི་མཚན་ཉིད་དང
339b5 དཀྱིལ་འཁོར་དགོད་པའི་རིམ་པ་བསྟན་པའི་ལེའུ་སྟེ་བདུན་པའོ།། །། སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་ལ་བོས་ནས་བཤད་དོ།། རྣལ་འབྱོར་རིག་འཛིན་མར་ལྡན་པས།། ལྔ་ཞིང
339b6 ལྔ་དང་འབྱོར་པ་ཡི།། ཚོམ་བུ་ལྔ་ཡི་ལྷ་བསྒོམས་ན།། ཐམས་ཅད་བདག་ཉིད་ཆེན་པོར་འགྱུར།། རིན་ཆེན་པདྨའི་དཀྱིལ་འཇམ་འདི།། འཛུམ་པའི་མདངས་ཀྱིས་འབུལ་ལགས་ཀྱིས།། དགྱེས་པའི་རྡོ་རྗེ་རབ་གསོར
iiif viewer powered by OpenSeadragon
