| e-texts navigator |
| Wylie |
338a1 གི་མཆོད་པ་བཞི་དང་། བདུག་སྤོས་ལ་སོགས་པའི་ཕྱིའི་མཆོད་པ་བཞིས་མཆོད་དེ།། ལན་གསུམ་དུ་བསྐོར་བ་བྱས་ནས་སོ་སོ་མ་ཡིན་པའི་རིག་པའི་འདུད་པས་ཕྱག་འཚལ་ཏེ་སྤྱན་སྔར་འདུག་ནས
338a2 འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཀྱིས་མཁྱེན་པའི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་ཉན་ཐོས་དང་ཐུན་མོང་མ་ལགས
338a3 པ་ཐབས་གང་གིས་རྟོགས་པ་ཚེ་འདི་ཉིད་ལ་ཐམས་ཅད་མཁྱེན་པའི་གོ་འཕང་ཐོབ་པའི་དོན་དུ་བཤད་དུ་གསོལ།། དེ་སྐད་ཅེས་གསོལ་པ་དང་། ཅང་མི་གསུང་བར་འཛུམ་པ་མཛད་དེ། འདི་སྐད་ཅེས་བཀའ་སྩལ
338a4 ཏོ།། སེམས་དཔའ་ཆེན་པོ་ཉོན་ཅིག། དོན་འདི་དང་ཕྱི་ནང་གི་ཆོས་ཐམས་ཅད་འདྲ་སྟེ་བདེན་པ་གཉིས་སུ་འདུས་སོ།། བདེན་པ་གཉིས་ལ་ཡང་ཚུལ་འདི་ལྟར་ཤེས་པར་བྱའོ།། བདེན་གཉིས་རྒྱུ་དང་འབྲས་བུའི
338a5 ཚུལ།། དེ་བཞིན་ཉིད་ལ་གནས་བཅས་ན།། ཕྱི་ནང་སྣོད་བཅུད་རྣམ་པར་དག། བྱེད་སྤྱོད་ཐམས་ཅད་ཚོགས་གཉིས་འགྱུར།། ཕ་རོལ་ཕྱིན་བཅུ་རྫོགས་པ་སྟེ།། ས་བཅུ་རིམ་གྱིས་བགྲོད་པ་ལ།། མཉམ་ཉིད་རིག་པའི
338a6 རྡོ་རྗེ་ཡིས།། ས་རྣམས་མཉམ་པ་ཉིད་དུ་སྦྱོར།། རྡོ་རྗེ་ལྟ་བུའི་ཡེ་ཤེས་ཀྱིས།། ཆོས་ཀུན་སྒྱུ་མར་རིག་པའི་ཕྱིར།། དངོས་དང་དངོས་མེད་བག་ཆགས་བསྲེགས།། ཡང་ན་ཡེ་ཤེས་མེ་ཞེས་བྱ།། རྒྱུ་དང་འབྲས་བུའི་རྣམ
iiif viewer powered by OpenSeadragon
