| e-texts navigator |
| Wylie |
337b1 འཁོར།། ལོངས་སྐུའི་བསྟན་པ་རྒྱས་པར་འགྱུར།། འཛམ་གླིང་བྱེ་བ་ཕྲག་བརྒྱ་ན།། སྦྲུལ་སྐུ་ཐུབ་པ་དྲུག་རྣམས་བཞུགས།། ཚེ་ལ་དབང་ཐོབ་རིག་འཛིན་གྱིས།། རྒྱལ་ཚབ་སྟོན་པའི་རྒྱུད་བཟུང་ནས།། ཁམས་གསུམ
337b2 སེམས་ཅན་མ་ལུས་ལ།། སྦྲུལ་སྐུའི་བསྟན་པ་རྒྱས་པར་འགྱུར།། རྒྱས་མཛད་རྣམ་སྨིན་རིག་འཛིན་གྱིས།། ཆོས་ཀྱི་སྒྲོན་མ་འདི་དག་ལ།། སྡུད་པས་བསྡུས་བཞིན་རྒྱས་མཛད་པ།། མ་མོ་མཁའ་འགྲོས་བཀའ་སྲུང
337b3 བྱེད།། འཁོར་བ་སངས་རྒྱས་ས་ལ་འདྲེན།། རྒྱུད་མཆོག་གསུངས་ལ་རྗེས་ཡི་རང་།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། རྗེས་སུ་ཡི་རང་བ་སྟེ་ལེའུ་ཉེར་བརྒྱད་པའོ།། །། གླང་པོ་རབ་འབོག
337b4 བཤད་པའི་རྒྱུད་ཆེན་པོ་ཞེས་བྱ་བ་རྫོགས་སོ།། །། རྒྱ་གར་གྱི་པཎྜི་ཏ་བི་ཤྭ་མི་ཏྲ་དང་།། ལོ་ཙཱ་བ་འཇིང་གསལ་འབར་གྱིས་བསྒྱུར་བའོ།། །། འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས
337b5 བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འཕགས་པ་ཐབས་ཀྱི་ཞགས་པ་པདྨོ་ཕྲེང་གི་དོན་བསྡུས་པ། དེ་ནས་བཅོམ་ལྡན་འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔའ་རྡོ་རྗེ
337b6 སེམས་དཔས་རིག་པའི་བྱིན་བརླབས་ལས་བྱུང་བའི་མཆོད་པ་རྒྱ་ཡོངས་སུ་མ་ཆད་པའི་གཞལ་ཡས་ཁང་དང་། བླ་རེ་དང་། རྒྱལ་མཚན་དང་། བ་དན་དང་། གདུགས་དང་། སྒེག་མོ་ལ་སོགས་པ་ནང
iiif viewer powered by OpenSeadragon
