| e-texts navigator |
| Wylie |
336b1 ཚོགས།། དགོངས་ལྡན་རྟོགས་པའི་སློབ་དཔོན་ལ།། ཡུལ་ཁམས་སློབ་མའི་སྤྲིན་འདུས་ནས།། བསྒོམ་བསྒྲུབ་གསང་སྔགས་སྒྲ་བསྒྲགས་པས།། ཕོ་ཉ་སྤྲུལ་པའི་ཐོག་སེར་གྱིས།། དངོས་གྲུབ་ལོ་ཐོག་འཕྲོག་པའི
336b2 བགེགས།། གནས་རྟེན་རང་ལུས་རྡུལ་དུ་བརླག། ཡུལ་ཁམས་བཀྲ་ཤིས་རང་རྒྱུད་སྣུམ།། ཐུན་མོང་མཆོག་གི་དངོས་གྲུབ་སྩོལ།། ཟག་མེད་སྐོམ་གྱིས་དམྱལ་ཚོགས་ཞི།། བདེ་ཆེན་ཟས་ཀྱིས་ཡི་དྭགས་བྲལ།། དངོས
336b3 གྲུབ་རང་གཞན་བདེ་ལ་བཀོད།། རྒྱ་མཚོ་ནས་འབབ་གངྒཱའི་ཆུ།། བུ་མོས་བླངས་ནས་མི་གཙང་འཁྲུད།། མེ་ལོང་བཞིན་ཤར་དྲི་མ་མེད།། བྱད་ཀྱི་བཀྲག་མདངས་འབར་གྱུར་པས།། ཀུན་གྱིས་སྲིད་སྤངས་དེ་ལ
336b4 འཁོར།། དེ་དང་མི་འབྲལ་འགྲོགས་པར་སྨོན།། སངས་རྒྱས་དགོངས་པའི་རྒྱ་མཚོ་ནས།། བླ་མས་དབང་གི་ཆུ་བོ་རྫོགས།། རིག་མ་བུ་མོ་མཚན་ལྡན་ལ།། མི་གཙང་འཁྲུ་བས་བུ་ལ་སྦྱིན།། སྣོད་ལྡན་བུ་ལ་བདེ་བ
336b5 རྒྱས།། ཐ་མལ་འདོད་ཆགས་དྲི་མ་དག། ཆགས་པ་ཉིད་ཀྱིས་གྲོལ་གྱུར་པ།། ཀུན་ཏུ་ལུས་ནི་བུ་ཆུང་འདྲ།། ཚེ་ནི་ཉི་ཟླ་དག་དང་མཉམ།། མི་རྣམས་བུད་མེད་ཀུན་ཡིད་འོང་།། མ་དང་མཁའ་འགྲོའི་འཁོར་གྱིས
336b6 བསྐོར།། སྐུ་གསུམ་འབྲས་ཐོབ་མི་འབྲལ་ཞིང་།། མཁའ་སྤྱོད་གནས་སུ་འགྲོགས་པར་སྨོན།། བདེ་ཆེན་འདུ་འབྲལ་མེད་པ་ཡི།། ཀུན་བཟང་ཡབ་ཡུམ་སྲས་དང་བཅས།། དཀྱིལ་འཁོར་ཐམས་ཅད་འབྱིན་པར
iiif viewer powered by OpenSeadragon
