| e-texts navigator |
| Wylie |
336a1 ཡི་རྒྱུན་རྣམས་འབྱུང་བར་འགྱུར།། གླང་པོ་རྒྱུད་ལུང་ལྟ་བས་འགྱིངས།། བསྟན་པ་རྒྱ་མཚོ་ཆུ་ཡི་རྒྱུན།། སློབ་རྒྱུད་འཁར་གཞོང་ནང་དུ་འབབ།། ཐོས་པའི་ཤེས་རབ་སྒྲ་ལ་དམིགས།། རྣ་བའི་དབང་པོས
336a2 ཉན་པར་བྱ།། བསམ་པའི་ཤེས་རབ་སྒྲ་དོན་འདྲེས།། ལྕེ་ཡིས་ཕྱུང་ལ་ཡིད་ལ་བརྟགས།། སྒོམ་པའི་ཤེས་རབ་ཡིད་ལ་གནས།། དོན་སྤྱི་རང་གི་མཚན་ཉིད་རྟོགས།། གྲོལ་ལམ་རྒྱུད་ལ་ལྟ་བ་སྐྱེ།། རང་གི་ཤེས་པ
336a3 ཉམས་སུ་མྱོང་།། མཚོ་འགྲམ་པདྨའི་སྡོང་པོ་འབབ།། ནགས་ཀྱི་བུང་པས་པད་སྦྲང་ལེན།། རང་གི་ལུས་དང་བུ་རྣམས་གསོ།། ཆུ་ཡི་སྦལ་པ་པདྨ་ཡིས།། སྤུ་ཟུག་ཉི་མའི་བསིལ་གྲིབ་བསྙེག། སྐྱོན་དུ་བལྟས་ནས་འབྱར
336a4 མི་ནུས།། བླ་མ་པདྨའི་མེ་ཏོག་རྒྱས།། སྣོད་ལྡན་ཐག་རིང་གདམས་ངག་བཅུད།། བླངས་ནས་རང་བསྒོམ་འགྲོ་རྣམས་འདུལ།། ཆོས་ཀྱི་སྒྲོན་མེས་མུན་པ་སེལ།། སྣོད་ངན་སྦལ་པ་རྩར་གནས་པས།། ཡོན་ཏན་མི
336a5 ཤེས་སྐྱོན་རྣམས་མཐོང་།། གཤེ་སྐུར་སྒྲོས་སྤང་སྐུར་པ་འདེབས།། ཆོས་ཀྱི་བདུད་རྩི་ཐོབ་པར་འགྱུར།། ངན་སོང་གནས་སུ་གནས་པར་བྱེད།། ནམ་མཁའ་དབྱིངས་ཀྱི་དཀྱིལ་འཁོར་ན།། སྤྲིན་ནག་ཕུང་པོ་རབ་ཏུ
336a6 འཐིབས།། འབྲུག་གི་སྒྲ་ལས་ཐོག་སེར་འཁྲུགས།། ལོ་ཐོག་འཇོམས་ཤིང་ཡུལ་མཁར་བརླག། ཆར་གྱི་རྒྱུན་བབས་ས་གཞི་སྣུམ།། རྩི་བཅུད་འཁྲུངས་པས་གསོས་གྱུར་པས།། འགྲོ་རྣམས་བཟའ་བཏུང་ཕུན་སུམ
iiif viewer powered by OpenSeadragon
