| e-texts navigator |
| Wylie |
335b1 གྲངས།། གཞི་ནས་ལམ་གྱི་ཧྲིལ་མོའམ།། གང་གིས་འདོད་པའི་རྒྱབ་ལོག་ནི།། ཇི་བཞིན་མ་ཡིན་མི་སྤང་བའོ།། ཞེན་ཀྱང་དེ་ཀུན་ཐུན་མོང་པས།། འདིར་ཡང་མི་སྤང་ནམ་མཁའ་བཞིན།། ཁྱད་བཤད་ཚིག་གཅིག་ངོ
335b2 བོཔོ་ལ།། དོན་ནི་དུ་མ་འབྱུང་བར་ཤེས།། མཚན་རྣམས་ཐུན་མོང་གསུངས་པ་ནི།། འོག་མ་དྲང་ཕྱིར་ངེས་ཚིག་འགྲུབ།། དེ་དོན་ཚིག་གཅིག་དོན་ལ་ཡང་།། བློ་དཔག་དཀའ་བར་ཁོང་དུ་ཆུད།། དགོངས་པ་བཞི་དང
335b3 ལྡེམ་པོ་བཞི།། བརྒྱད་ཀྱིས་གཏན་ལ་ཕབ་སྟེ་བཤད།། གླང་པོ་རབ་འབོག་བཤད་པའི་རྒྱུད།། མེ་ཤེལ་ཤིན་ཏུ་དག་གྱུར་ཅིང་།། ཉི་མ་སྤྲིན་དང་བྲལ་གྱུར་པས།། སྨྲ་བ་རླན་མེད་རེག་པས་ནི།། དེ་ལ་མེ་ནི་འབྱུང་བར
335b4 འགྱུར།། བླ་མ་ཆོས་ཀྱི་སྡོང་པོ་ཉིད།། རབ་འབྱམས་བཀའ་ཡི་ཉི་མ་ཤར།། སློབ་མ་བླ་མའི་ཐུགས་ལ་རེག། སངས་རྒྱས་འབྲས་བུ་འབྱུང་བར་འགྱུར།། ཐོས་བསམ་བསྒོམ་ལ་བརྩོན་བྱས་ནས།། བློ་ཉིད་སྦྱངས་པར
335b5 མ་གྱུར་ཀྱང་།། བླ་མའི་གདམས་ངག་སྟོབས་ཀྱིས་ནི།། ཐབས་ཀྱི་མན་ངག་འཆར་གྱུར་པས།། སྔོན་དུ་དབང་རྣམས་རྫོགས་བྱས་ལ།། རྩ་སྔགས་ཐིག་ལེ་རླུང་ལ་སྦྱངས།། དབང་པོ་ཤིན་ཏུ་དམན་པ་དང་།། ཤེས་རབ
335b6 ཆུང་བ་དད་བརྩོན་གྱིས།། འགྲུབ་འགྱུར་ཐབས་ཀྱི་ལམ་ལ་སྦྱངས།། གླང་པོ་རབ་འབོག་བཤད་པའི་རྒྱུད།། ཆུ་ཤེལ་དྲི་མ་མེད་པ་དང་།། ཟླ་བ་སྦྱིན་པའི་ཚོགས་དང་བྲལ།། འཁར་གཞོང་དག་པའི་ནང་བཞག་ན།།
iiif viewer powered by OpenSeadragon
