| e-texts navigator |
| Wylie |
334b1 ཡིས།། འཁོར་འདས་རང་སྣང་རྩོལ་བ་བྲལ།། སྐལ་ལྡན་རང་བཞིན་སྦྱངས་པ་ཡིས།། གཞན་ཡས་གཏན་ལ་ཕེབས་པར་བྱེད།། སྐུ་ལྔ་དགོངས་པ་བསྟན་པ་ཡིས།། དངོས་ལྔས་གཏན་ཚིགས་གཞི་ཤེས་བྱེད།། རིགས
334b2 འཛིན་ཆོས་ཀྱི་བྱུང་ཚུལ་གྱིས།། ཚུལ་ལྔའི་སྣང་བ་འབྱུང་བར་འགྱུར།། སྐུ་ལྔའི་ཚིག་ལ་རྟོགས་པ་ཡིས།། དཔྱད་དུ་ཡོད་མེད་ཤེས་པར་བྱེད།། གཏན་ཚིགས་གྲངས་དྲུག་ཕྱེ་བ་ཡིས།། ཆོས་རྣམས་གཏན་ལ་ཕེབས་པར
334b3 འགྱུར།། རྒྱུ་རྐྱེན་འབྲས་བུ་བསྟན་པ་ཡིས།། ཤེས་འཇུག་མཐར་ཕྱིན་རྟོགས་པར་བྱེད།། ཞིང་ཁམས་ཡེ་ཤེས་རང་ཤར་བས།། རང་བྱུང་ཡེ་ཤེས་དབང་རབ་དོན།། ཚད་མ་སྒྲ་མཐུན་དབྱེ་བ་ཡིས།། གཏན
334b4 ཚིགས་ཐམས་ཅད་རྒྱས་པར་བཤད།། ཐེག་པའི་ལྟ་སྤྱོད་སོ་སོ་ཡིས།། ཆོས་ཀྱི་རང་གཞུང་སོ་སོར་སྤྱད།། རྣམ་གསུམ་ལྷ་ཡི་རིམ་པ་ཡིས།། ཐ་མ་ལྷ་སྐུས་གྲོལ་བར་འགྱུར།། ཐེག་པའི་ཁྱད་པར་ཤེས་བྱའི་ཕྱིར།། ལམ
334b5 སྟེགས་གོལ་སའི་ཆེ་བ་འབྱིན།། ཆ་རྐྱེན་བཅུ་ཡི་ཁྱད་པར་གྱིས།། ཟག་བཅས་ཟག་མེད་སོ་སོར་སྤྱོད།། ལམ་གྱི་རྣམ་གྲངས་དབྱེ་བ་ཡིས།། བསྐྱོད་ཚུལ་བྱེ་བྲག་ཤེས་པར་བྱེད།། ལམ་གྱི་བསྐྱོད་ཚུལ་བཤད་པས
334b6 ནི།། འབྲས་བུའི་དོན་ལ་གནས་པར་འགྱུར།། རང་བཞིན་འབྲས་བུ་རབ་བཤད་པས།། སྐུ་ལྔ་ལྷུན་གྲུབ་སྐུ་གསུམ་ཤེས།། དེ་བཞིན་ཉིད་དང་ཇི་བཞིན་པ།། སྟོང་པ་ཉིད་དང་གང་མ་གྲུབ།། སྨྲ་བསམ་འདས་དང
iiif viewer powered by OpenSeadragon
