| e-texts navigator |
| Wylie |
334a1 གསུང་གནས་དེ་འོག་མིན་ཉིད།། དེ་ལྟར་སྡུད་ཤེས་གསང་བདག་ཉིད།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། འབྲས་བུ་མཐར་ཕྱིན་པའི་རྒྱུད་ཀྱི་ལེའུ་སྟེ་ཉི་ཤུ་རྩ་བདུན
334a2 པའོ།། །། དེ་ནས་དེ་བཞིན་གཤེགས་པའི་འཁོར་རྣམས་ཀྱིས་སྟོན་པ་དང་བསྟན་པ་ལ་བསྟོད་པ་འདིས་བསྟོད་དོ།། ཨེ་མའོ་ངོ་མཚར་ཡ་མཚན་གྱི།། རང་བཞིན་དཀྱིལ་འཁོར་རྣམ་གསུམ་གྱིས།། བསྟན་པ
334a3 གཞི་ཉིད་མངོན་སངས་རྒྱས།། གླང་ཆེན་རྩལ་གྱིས་གཅོད་འགྱུར་བ།། རབ་འབོག་མཚན་གྱིས་རྟོགས་པར་བྱེད།། རང་བཞིན་སྣང་བ་བཅིངས་གྲོལ་འབྲས།། གཞི་ཡི་གནས་ལུགས་ཡེ་སངས་རྒྱས།། མ་རིག་སྣང
334a4 ལུགས་ཆེན་པོ་ཡིས།། འཁྲུལ་པའི་འཁོར་བ་གཏན་ལ་འབེབས།། མྱ་ངན་འདས་པའི་དགོངས་པ་ཡིས།། སྐུ་གསུམ་སངས་རྒྱས་མཛད་པ་ཤར།། འཁོར་འདས་སྣང་བའི་དཀྱིལ་འཁོར་གྱིས།། སྣང་བ་མ་ལུས་རྟོགས
334a5 པར་འགྱུར།། ཐེག་པའི་ཁྱད་པར་རབ་ཕྱེ་བས།། གོང་འོག་དབྱེ་བས་རྟོགས་པར་བྱེད།། ཐུགས་རྗེ་ཆེན་པོའི་སྐྱེ་ཚུལ་གྱིས།། གདུལ་བྱ་ཡལ་བར་མི་འདོར་བྱེད།། འདུལ་ཚུལ་ཐེག་པའི་བྱུང་ཚུལ་གྱིས།། ཆོས་ཀྱི་འཁོར
334a6 ལོ་སྣང་བར་འགྱུར།། རྒྱན་བདུན་རྣམ་པར་ཕྱེ་བ་ཡིས།། གསང་སྔགས་རྒྱུད་ཀྱི་བཤད་པ་རྟོགས།། ལྷན་ཅིག་གོ་ཕྱེའི་དྲིས་ལན་གྱིས།། ལྷུན་གྲུབ་ཀ་དག་དོན་རྣམས་རྟོགས།། ཐེག་པའི་བལྟ་དགོངས་སོ་སོ།
iiif viewer powered by OpenSeadragon
