| e-texts navigator |
| Wylie |
333a1 ཉིད།། གསུམ་ཉིད་གཙོར་སྟོན་སྐུ་གསུམ་ནི།། དག་པ་ཆོས་ཉིད་མངོན་བྱས་ཆོས།། ལོངས་སྐུ་རིགས་གསུམ་མགོན་པོར་སྣང་།། ཞིང་ཁམས་ཐ་དད་དོན་བྱེད་སྦྲུལ།། ཆ་གཉིས་འཛིན་པའི་ཆོས་སྐུ
333a2 ནི།། འོད་གསལ་མངོན་བྱས་རྡོ་རྗེ་འཆང་།། ལོངས་སྐུ་རིགས་བཞིའི་རྡོ་རྗེ་འཛིན།། ཞིང་ཁམས་ཐ་དད་དོན་བྱེད་སྤྲུལ།། རྣལ་འབྱོར་སྐུ་གསུམ་ཆོས་སྐུ་ནི།། དབྱིངས་དག་སྡུག་པོ་བཀོད་པའི་ས།། ལོངས་སྐུ་རྡོར
333a3 དབྱིངས་རྣམ་སྣང་ཡུམ།། ཐ་དད་ཞིང་ཁམས་དོན་མཛད་སྤྲུལ།། རྣལ་འབྱོར་ཆེན་པོའི་སྐུ་གསུམ་ནི།། ཆོས་སྐུ་རང་བྱུང་འོད་གསལ་ཉིད།། ལོངས་སྐུ་རྒྱལ་དྲུག་ཡུམ་དང་འཁྲིལ།། སྦྲུལ་སྐུ་ཞི་ཁྲོ་ཐུབ་པ་དྲུག། རྗེས་སུ
333a4 རྣལ་འབྱོར་ཆོས་སྐུ་ནི།། ཡེ་ཤེས་དབྱིངས་འབྲེལ་བདེ་ཆེན་སྲས།། ལོངས་སྐུ་ཀུན་བཟང་ཡབ་དང་ཡུམ།། སྤྲུལ་པ་ཐུབ་དྲུག་ཁྱད་པར་ཁྲོ།། རྫོགས་པའི་རྣལ་འབྱོར་སྐུ་གསུམ་ནི།། ཡིད་ཉིད་སྨྲ་བསམ་འདས་པའི
333a5 ཆོས།། ལོངས་སྐུ་ལྷུན་གྲུབ་ཐུན་མོང་མིན།། དེ་ཁོ་ན་ཉིད་ཅིར་ཡང་སྤྲུལ།། འོག་མའི་སྐུ་གསུམ་ཐོབ་པ་ཡིས།། ད་གདོད་བློ་སེམས་འདིར་བསྐྱེད་པས།། གོང་མའི་ལམ་གྱི་སྟེགས་སུ་འགྱུར།། གོང་མས་འོག་སྤྱད་གོལ
333a6 བར་འགྱུར།། སྐུ་རྣམས་ལྷུན་གྲུབ་སྐུ་ལྔར་ཐིམ།། དེ་ལས་འདུ་འཕྲོ་སྣང་བ་ནི།། རྒྱ་མཚོར་ཆུ་བྲན་འབྱུང་འཇུག་འདྲ།། ཉི་ཤུ་རྩ་ལྔ་ཀུན་བཟང་དང་།། དབྱེ་བ་མེད་པར་གང་གྱུར་པ།། སངས་རྒྱས་སྤྱི་ཡི་གཟུགས་ཅན
iiif viewer powered by OpenSeadragon
