| e-texts navigator |
| Wylie |
332b1 འཇིགས།། ལྷུན་གྲུབ་རིག་པ་རང་སྣང་བ།། འཇིག་ཆགས་སྟོངས་གནས་བསྐལ་པ་ལྔ།། སྐུ་ལྔ་ཕྲིན་ལས་མིང་ཙམ་མཐུན།། དོན་གྱི་སོ་སོར་གནས་པས་ན།། རིགས་མི་མཐུན་པ་རྣམས་སྤངས་ནས།། རིགས་མཐུན
332b2 ལས་ནི་རྟོགས་པར་བྱ།། འབྲས་བུ་ཉི་ཤུ་རྩ་ལྔ་པོ།། རྣལ་འབྱོར་དང་ལ་གནས་པ་བཞིན།། འགྲོ་བ་ཀུན་ལ་གནས་པས་ན།། སྣང་སྲིད་གཞིར་བཞེངས་མངོན་སངས་རྒྱས།། ཉི་ཤུ་རྩ་ལྔའི་འབྲས་བུ་ཉིད།། ཉི་མའི
332b3 དཀྱིལ་འཁོར་ཇི་བཞིན་དུ།། གཅིག་གིས་གླིང་བཞིའི་བྱ་བ་བྱེད།། ཡུལ་ཁམས་རེ་ན་ཉི་མ་རེ།། ཐེག་འོག་རང་གི་སྐུ་གསུམ་འཐོབ།། འབྲས་ཐོབ་སྐུ་ལྔའི་ཞལ་བལྟ་དགོས།། ཐེག་ཆེན་གསང་བའི་དཀྱིལ་འཁོར
332b4 ཞུགས།། དེ་ཕྱིར་གོ་ཕྱེའི་འཁོར་ཞེས་བྱ།། ཐེག་པ་སོ་སོའི་སྐུ་གསུམ་ནི།། རང་རང་སྨིན་པ་ཐོབ་པ་ཡང་།། ཉན་ཐོས་རང་རྒྱལ་བྱང་ཆུབ་སེམས།། ཀྲི་ཡ་ཨུ་པ་ཡོ་ག་དང་།། མ་ཧཱ་ཨ་ནུ་ཨ་ཏི་ཉིད།། ཆོས་ལོངས་སྤྲུལ་པ
332b5 སོ་སོར་གནས།། ཉན་ཐོས་པ་ཡི་ཆོས་སྐུ་ནི།། ཞི་བ་མྱ་ངན་འདས་པའོ།། ལོངས་སྐུ་ཤཱཀ་ཐུབ་མཚན་དཔེར་ལྡན།། སྦྲུལ་སྐུ་བྱམས་པ་ཉན་ཐོས་སྤྲུལ།། རང་ཉིད་སངས་རྒྱས་སྐུ་གསུམ་ནི།། ཆོས་སྐུ་ཞི་བ་མྱ་ངན
332b6 འདས།། ལོངས་སྐུ་ཤཱཀ་ཐུབ་ཆོས་དབང་ཕྱུག། སྤྲུལ་པ་རྫུ་འཕྲུལ་ཡ་མ་ཟུང་།། བྱང་ཆུབ་སེམས་དཔའི་སྐུ་གསུམ་སྣང་།། ཆོས་སྐུ་དོན་དམ་ཀུན་ཏུ་འོད།། ལོངས་སྐུ་རྣམ་སྣང་ཡེ་ཤེས་འོད།། སྦྲུལ་སྐུ་ཤཱཀྱ་ཐུབ་པ
iiif viewer powered by OpenSeadragon
