| e-texts navigator |
| Wylie |
329b1 ཤིང་ཐིམ།། པདྨའི་སྣལ་མ་ཕྲ་མོ་ཡིས།། སྲིད་པ་གསུམ་པོ་བཅིངས་གྱུར་པ།། ཏིལ་གྱི་སྒྲོན་མེས་མུན་སེལ་བ།། རྒྱ་སྐྱེགས་མེ་ཏོག་འདྲ་བ་ཡི།། སྙིང་རྗེ་ཆགས་པ་ཆེན་པོ་ཡིས།། འགྲོ་བ་རྣམས་ཀྱིས་དོན་མཛད་པ།། ལྷ
329b2 ནི་ཨ་དཀར་སྲོག་ཏུ་འདུས།། ལྷ་མ་ཡིན་གྱི་སུ་སེར་པོ།། མི་ཡི་ནརྀ་ཡིག་སྔོན་པོ་དང་།། བྱོལ་སོང་དུ་ནི་དུད་ཀ་དང་།། ཡི་དྭགས་པྲེ་དམར་གནས་པ་དང་།། དམྱལ་བའི་ཡི་གེ་ཏྲི་ནག་པོ།། གཟུགས་ཁམས་བསམ་གཏན
329b3 ཨོཾ་དང་བཅས།། དེ་དག་གཟུགས་མེད་ཨཱཿལ་འདུས།། སྐུ་གསུང་ཐུགས་ཀྱི་འབྲུ་གསུམ་ཉིད།། ཟུང་འཇུག་ཧཱུཾ་གིས་དྲངས་ནས་ནི།། ཆུ་ཤིང་སྙིང་པོ་ལྟར་དྲང་བའི།། སྤྱི་གཙུག་ཚངས་པའི་གཙུག་ཏོར་དུ།། རྩ་ནི་དུང་གི
329b4 དབྱིབས་སུ་གྲུབ།། ཡི་གེ་ཧཱུཾ་དུ་རྣམ་པར་སྣང་།། བདུད་རྩི་དངས་མ་བྱང་ཆུབ་སེམས།། འགྲོས་བཞི་ཐིམ་པས་གསང་བའི་སྐུ།། ཕྱི་ཡི་ལུས་ནི་རིག་འཛིན་ཉིད།། ཚེ་ནི་ཉི་ཟླ་དག་དང་མཉམ།། ནང་གི་དགོངས་པ
329b5 སངས་རྒྱས་ཐུགས།། སྐུ་དང་གསུང་དང་ཐུགས་དང་ནི།། ལོངས་སྤྲུལ་ཆོས་ནི་གསང་བ་ཉིད།། མི་ཟད་རྒྱན་གྱི་འཁོར་ལོ་གནས།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། ལམ་མཆོག་ཡོངས་སུ་རྫོགས
329b6 པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་འབྲས་བུ་མཐར་ཕྱིན་པ་འདི་འགྲོ་བའི་ཆེད་དུ་གསུངས་སོ།། རྣམ་པར་བརྗིད་པ་སྣང་བས་སྐུ།། སྒྲ་བརྗོད་འབྱུང་བར
iiif viewer powered by OpenSeadragon
