| e-texts navigator |
| Wylie |
329a1 པ་བསྒྲུབ་པ་བྱ་བ་ནི།། ཨཱཿཞེས་བྱ་བའི་ཡི་གེ་ཉིད།། ཀུན་གཞི་སྐྱེ་མཆེད་གནས་གྱུར་པ།། ཆོས་སྐུའི་ངང་ནས་གཟུགས་སྐུ་འཆར།། སྐྱེ་མེད་མ་སྐྱེས་ཡི་གེ་ཨཱཿ།། རྣལ་འབྱོར་ཁོང་གནས་ཆོས་ཀྱི་སྐུ།། བཞི
329a2 པ་སྒྲུབ་པ་ཆེན་པོ་ནི།། གཟུགས་ཀྱི་ཕུང་པོ་ལས་བྱུང་བ།། བདག་ཉིད་སྣང་མཛད་འཁོར་ལོ་འཆང་།། ཛི་ན་ཛི་ཀ་ལས་སྲོག་འཛིན་རླུང་།། འགྱུར་མེད་མཐིང་གར་དང་ལུས་རྫོགས།། ཚོར་བའི་ཕུང་པོ་ལས་བྱུང་བ།། ས
329a3 རླུང་སེར་པོ་རིན་འབྱུང་ཉིད།། རཏྣ་དྷྲིཀ་ལས་ནོར་བུ་འཆང་།། ལྟེ་བ་སྤྲུལ་པའི་དཀྱིལ་འཁོར་གནས།། རྣམ་ཤེས་ཕུང་པོ་གནས་གྱུར་པ།། བཛྲ་དྷྲྀཀ་ལས་མི་བསྐྱོད་དཀར།། ཆུ་ཡི་རླུང་ལས་རྡོ་རྗེ་འཆང་།། སྙིང་ག་ཆོས
329a4 ཀྱི་དཀྱིལ་འཁོར་བཞུགས།། འདུ་ཤེས་ཕུང་པོ་ལས་བྱུང་བ།། ཨཱ་རོ་ལི་ཀ་ཞེས་བརྗོད་པའི་སྐུ།། རང་སྔགས་རླུང་ལས་སྐྱེས་པ་ནི།། སྣང་བ་མཐའ་ཡས་པདྨ་འཆང་།། དམར་པོ་མེ་ཡི་རླུང་ལས་བྱུང་།། ལོངས་སྤྱོད
329a5 དཀྱིལ་འཁོར་གནས་ན་བཞུགས།། འདུ་བྱེད་ཕུང་པོ་གནས་གྱུར་པ།། དོན་ཡོད་གྲུབ་པ་ལྗང་སེར་ནི།། པྲཛྙཱ་དྷྲི་ཀ་ལས་རླུང་གི་རླུང་།། རལ་གྲི་རྒྱ་གྲམ་འཛིན་པ་སྟེ།། སྤྱི་བོ་བདེ་ཆེན་དཀྱིལ་འཁོར་ན།། ཞུགས་ནས
329a6 ཚངས་པའི་བུ་ག་བརྒྱུད།། དཀྱིལ་འཁོར་འབྱུང་ལྔ་ཡུམ་དུ་སྣང་།། ཞུགས་པའི་རླུང་ལྔ་ཡབ་ཏུ་སྣང་།། གཡས་ཀྱི་སྲོག་ཤིང་ཡུམ་དུ་སྣང་།། གཡོན་གྱི་སྲོག་ཤིང་ཡབ་ཏུ་སྣང་།། དེ་གཉིས་དབུས་ཀྱི་སྲོག
iiif viewer powered by OpenSeadragon
