| e-texts navigator |
| Wylie |
327b1 ན།། འབྲས་བུ་བསམ་རྫོགས་བྲལ་བར་བསྒོམ།། ཀུན་ཏུ་འོད་ཀྱི་ས་གནས་པའི།། བྱང་ཆུབ་སེམས་དཔའི་དགོངས་པ་བསྒོམ།། ཀུན་གཞི་མཐའ་དང་བྲལ་བས་ན།། སྐྱེ་བ་མེད་པའི་རང་བཞིན་བསྒོམ།། ལམ་ལ་བར
327b2 ཆད་བྱུང་བས་ན།། འཁོར་འདས་སྟོང་པའི་ངང་ལས་འཕོ།། ཆོས་རྣམས་རང་བཞིན་འོད་གསལ་བས།། ཉི་མའི་དཀྱིལ་འཁོར་བཞིན་དུ་བསྒོམ།། ཀུན་རྫོབ་བདེན་པ་བརྫུན་པས་ན།། འཁོར་བའི་ཆོས་ལ་སྙིང་རྗེ
327b3 བསྒོམ།། ལོངས་སྐུ་ཡེ་ཤེས་སྒྱུ་མའི་སྐུ།། དངོས་པོ་གཉིས་ལ་ལོངས་སྤྱོད་བསྒོམ།། པདྨ་ཅན་གྱི་ས་ལ་གནས།། སྨིན་པ་རྒྱ་མཚོའི་དགོངས་པ་བསྒོམ།། ཉོན་མོངས་ཡིད་ཀྱིས་ཀུན་ལ་ཁྱབ།། འོད་ཕུང་དམར་སྨུག
327b4 འབར་བར་བསྒོམ།། ལམ་དུ་གློ་བུར་བར་ཆད་འབྱུང་།། ལོངས་སྤྱོད་རྫོགས་སྐུའི་ཞིང་དུ་འཕོ།། ཆོས་ཀུན་རྩ་བ་བྱང་ཆུབ་སེམས།། ཐམས་ཅད་འབྱུང་བའི་རྒྱུ་རུ་བསྒོམ།། བདེན་པ་གཉིས་སུ་དབྱེར་མེད་པས།། ཀུན
327b5 རྫོབ་དོན་དམ་ཟུང་འཇུག་བསྒོམ།། སྦྲུལ་སྐུ་ཅིར་ཡང་སྣང་བས་ན།། ཞི་ཁྲོ་ཕྲ་མོའི་སྐུ་གཉིས་བསྒོམ།། ཡི་གེ་འཁོར་ལོ་ཚོགས་ཆེན་ས།། ཞི་ཁྲོ་སྤྲུལ་པའི་འཕྲོ་བ་བསྒོམ།། ཡིད་ཀྱི་རྣམ་ཤེས་ཀུན་ཏུ་རྒྱུ།། བྱེད་པ་ཀུན་གྱི
327b6 རྩ་བར་བསྒོམ།། མ་འབྱོངས་ལམ་ལ་བར་ཆད་འབྱུང་།། ལྷ་ཡི་སྐུ་ཡི་ཐུགས་ཀར་འཕོ།། གསང་བའི་དཀྱིལ་འཁོར་མཁའ་ཡི་ཚད།། སོར་བཞི་པ་དང་མཛུབ་གང་བྱ།། གཟུགས་བརྙན་དཀྱིལ་འཁོར་ཁྲུ་གང
iiif viewer powered by OpenSeadragon
