| e-texts navigator |
| Wylie |
327a1 པའི་རྒྱུ་ནི་བལྟ་བ་བས།། བལྟ་བས་གཏན་ལ་ཕབ་ནས་བསྒྲུབ།། གང་ཞིག་ལྟ་བས་མ་ཟིན་ན།། འདུས་བྱས་རྫས་ལ་ཟད་པ་ཡོད།། འདུས་མ་བྱས་ཀྱི་ལྟ་བ་ཡིས།། འཁོར་བ་མྱ་ངན་འདས་པ
327a2 ཤེས།། འཁོར་འདས་གཉིས་མེད་རྟོགས་གྱུར་པ།། ད་ལྟ་ཉིད་ནས་འགྲུབ་པ་ཡིན།། སངས་རྒྱས་ས་ལ་ཐེ་ཚོམ་མེད།། རང་སེམས་སངས་རྒྱས་མ་ཤེས་ན། ལམ་གྱི་རིམ་པ་གང་བགྲོད་ཀྱང་།། མངོན་པར་བྱང་ཆུབ་ག།
327a3 ལ་སྲིད།། སེམས་ཉིད་སངས་རྒྱས་ཡིན་ཤེས་ན།། ཐེག་པ་མ་ལུས་ཐམས་ཅད་ཀུན།། མ་སྦྱངས་རྒྱལ་བའི་དགོངས་པར་ཤེས།། ཀུན་ཏུ་འོད་ཀྱི་ས་ནོན་ནས།། པདྨ་ཅན་གྱི་ས་ལ་ཕྱིན།། ཡི་གེ་འཁོར་ལོ་ཚོགས་ཆེན
327a4 འགྲུབ།། ཐེག་པ་གསུམ་གྱི་ངེས་འབྱུང་ལས།། ཐེག་པ་གཅིག་གི་ནང་དུ་འཇུག། ཐེག་པ་བཞི་ལས་ངེས་པར་འབྱུང་།། རྨད་བྱུང་ཐེག་གཅིག་ནང་དུ་གནས།། ཐེག་པ་ཐམས་ཅད་བགྲོད་པས་ན།། མཐར་ཐུག་ཐེག
327a5 པའི་ཐུག་ས་ཡིན།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས།། ལམ་གྱི་རིམ་པ་ལྟ་བས་བསྟན་པ་སྟེ་ལེའུ་ཉི་ཤུ་རྩ་ལྔ་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་གསང་བའི་ལམ
327a6 ཡོངས་སུ་རྫོགས་པ་འདི་གསུངས་སོ།། ཆོས་དབྱིངས་འགྱུར་བ་མེད་པས་ན།། དེ་བཞིན་ཉིད་དུ་བསྒོམ་པར་བྱ།། དོན་དམ་ལྡན་པ་སྤྲོས་དང་བྲལ།། མྱ་ངན་འདས་པའི་དགོངས་པ་བསྒོམ།། ཆོས་སྐུ་དྲི་མ་མེད་པས
iiif viewer powered by OpenSeadragon
