| e-texts navigator |
| Wylie |
326b1 མཉམ་འགྱུར།། ཐོད་རྒལ་ལམ་ལ་སྦྱོར་བ་ནི།། བར་དུ་ས་ལམ་བོར་ནས་འགྲོ།། ཕྱག་རྒྱ་གཅིག་པའི་ས་ནས་ནི།། མཐོང་ལམ་མཐར་ཟུག་སྦྱོར་བ་དང་།། སྤྲོས་པར་རིག་འཛིན་མཐར་ཐུག་སྦྱོར།། ཚོགས་བསྒྲུབ་ཕྱག
326b2 རྒྱ་མཐར་ཐུག་སྦྱོར།། ཚེ་དབང་ལས་ནི་སྐུ་ལྔར་སྦྱོར།། ཟག་བཅས་ལམ་གྱི་ཐོད་རྒལ་གཉིས།། ཚེ་དབང་ཕྱག་རྒྱའི་རིག་འཛིན་ཡིན།། དེ་བཞིན་ཉིད་དང་ཀུན་ཏུ་སྣང་།། བདེན་པ་ཕྱོགས་རེ་བསྒོམས་པས་ན།། ཐོད
326b3 རྒལ་བ་ལ་འོངས་མེད།། ཚོགས་བསྒྲུབ་རྣམ་སྨིན་རིག་འཛིན་དང་།། ལྷུན་གྱིས་གྲུབ་ལ་ཟོད་རྒལ་མེད།། འབྱུང་ལུགས་ངེས་པ་མེད་པ་སྟེ།། བར་དུ་ས་ལམ་ངེས་མེད་འདོར།། ཟོད་རྒལ་འབྱུང་བར་འགྱུར་བ་ནི།། ལྟ
326b4 བ་གཉིས་མེད་ཁ་ལོང་དང་།། རྟོགས་པ་བཙན་ཐབས་སྐྱེས་པ་དང་།། ལམ་ལ་དོར་བྱ་ཡོད་པ་དང་། ས་ལ་སྦྱངས་པ་ཡོད་ན་འབྱུང་།། རིམ་སྦྱངས་ལམ་ལ་བར་ཆད་འབྱུང་།། ཐོད་རྒལ་ལམ་ལ་འགྲོ་བས་ན།། འདའ
326b5 ཀ་མ་ཡི་མན་ངག་བསྒོམ།། དེ་ཕྱིར་ཟོད་རྒལ་ཤིན་ཏུ་གཅེས།། ཟག་བཅས་ལམ་ནི་རྣལ་འབྱོར་བཞི།། ལུས་ངག་ཡིད་གསུམ་འབད་ནས་བསྒྲུབ།། ཡུལ་ཁམས་ཕུང་པོ་སྐྱེ་གནས་ཀྱིས།། འབྲས་བུ་བཟང་ལ་དམིགས
326b6 ནས་འགྲུབ།། ཟག་མེད་རིག་འཛིན་རྣམ་པ་གསུམ།། སྟོན་པ་སྐུ་གསུམ་ཞལ་གཟིགས་པས།། ཡུལ་ཁམས་ཕུང་པོ་སྐྱེ་གནས་དང་།། བསྒྲུབ་པ་ཟག་པ་མེད་ཤེས་བསྒྲུབ།། ལམ་གྱི་རྣམ་པ་གང་བསྒྲུབས་ཀྱང་།། ཤེས
iiif viewer powered by OpenSeadragon
