| e-texts navigator |
| Wylie |
326a1 ལྷུན་གྲུབ་རིག་འཛིན་ཡིན།། སྟོང་པ་ཆེན་པོའི་རྣལ་འབྱོར་ནི།། རྣམ་པ་ཀུན་ལྡན་སྟོང་པ་སྟེ།། དཔེ་ནི་ཡིད་བཞིན་ནོར་བུ་འདྲ།། སྙིང་རྗེ་ཆེན་པོའི་རྣལ་འབྱོར་ནི།། ཡོངས་ལ་ཁྱབ་པའི་སྒྱུ་མ་སྟེ།། དཔེ་ནི
326a2 ཉི་མའི་སྙིང་པོ་སྟེ།། ཕྱག་རྒྱ་ཆེན་པོའི་རྣལ་འབྱོར་ནི།། ཨ་ཉིད་ཞི་བ་ཚངས་པ་འདྲ།། ཧཱུཾ་ལས་ཁྲོ་བོ་སྲིན་ཕྲུག་ཚུལ།། དཔེ་ནི་ཆུ་ལས་ཉ་ལྡང་འདྲ།། སྤྲོས་པའི་རྣལ་འབྱོར་བསྒོམ་པ་ནི།། རང་གནས་རྩ་ལས་དཀྱིལ
326a3 འཁོར་སྤྲོས།། སྔགས་ཀྱི་ཡི་གེ་ཚོམ་བུར་སྤྲོས།། ཁམས་ཀྱི་བདུད་རྩི་ཞལ་ཕྱག་སྤྲོས།། སྙིང་པོ་རླུང་ལས་རྣམ་གྲངས་སྤྲོས།། བསྙེན་པ་ཞི་བའི་བསྙེན་པ་སྟེ།། ཉེ་བསྙེན་ཞི་བའི་སྒྲུབ་པར་གསུངས།། སྒྲུབ་པ་ཁྲོ་བོའི
326a4 བསྙེན་པ་ཉིད།། སྒྲུབ་ཆེན་ཁྲོ་བོའི་སྒྲུབ་པ་ཡིན།། རྣམ་པར་སྨིན་པའི་རིག་འཛིན་ནི།། ཡིད་ཀྱི་ཏིང་འཛིན་ལྷ་སྐུར་སྨིན།། ཁྱུང་ཕྲུག་སྒོ་ངའི་ནང་གནས་བཞིན།། བག་ཆགས་ལུས་ནང་ལྷ་ཡི་སྐུ།། ཚེ་ལ་དབང་བའི་རིག
326a5 འཛིན་ནི།། རང་གི་ཚེ་ལ་དབང་ཐོབ་པས།། འཁོར་བར་བཞུགས་སམ་སངས་རྒྱས་འགྲོ།། སྐྱེ་ཤི་རང་དབང་ཐོབ་པ་ཡིན།། བསྒོམ་ལམ་ཕྱག་རྒྱར་ཡི་དམ་ལྷ།། རིགས་ལྔ་གང་བསྒོམ་ཆ་ལུགས་འཛིན།། ས་བརྒྱད་ནོན
326a6 པའི་བྱང་ཆུབ་སེམས།། བསྒོམ་ལ་ཆེད་འཛིན་ཡོད་པར་བཞུགས།། མཐར་ལམ་ས་དགུ་ས་བཅུ་ལ།། སྐུ་ལྔ་ལྷུན་གྲུབ་ཆ་ལུགས་ཉིད།། རྒྱལ་ཚབ་མཛད་པས་སངས་རྒྱས་དང་།། མཉམ་པར་གཞག་པས་དགོངས
iiif viewer powered by OpenSeadragon
