| e-texts navigator |
| Wylie |
325b1 བཅོམ་ལྡན་འདས་རྡོ་རྗེ་འཆང་ཆེན་པོས་རྣལ་འབྱོར་པ་ཐམས་ཅད་ཀྱི་ལམ་འདི་དག་འགྲོ་བའི་ཆེད་དུ་བརྗོད་དོ།། གསང་སྔགས་ལམ་ནི་བགྲོད་འགྱུར་བ།། རིམ་སྐྱེས་པ་དང་ཅིག་ཆར་བ།། མོས་སློབ་དང་ནི་སྨིན
325b2 སློབ་དང་།། མཐར་ཆགས་པ་དང་ཐོད་རྒལ་བ།། ཟག་བཅས་ལམ་དང་ཟག་མེད་ལམ།། གང་ཞིག་རིམ་གྱིས་བགྲོད་གྱུར་པ།། དང་པོར་གཞི་ནས་བཟུང་བྱས་ནས།། མཐའ་མར་འབྲས་བུའི་གནས་སུ་འགྲོ།། བར་གྱི
325b3 ལམ་རྣམས་རིམ་པའི་སློབ།། རིམ་སྨིན་སྲིད་པ་མངལ་སྐྱེས་འདྲ།། ཅིག་ཅར་བ་ཡི་ལམ་བགྲོད་ན།། ལྷ་སྒོམ་དབྱེར་མེད་འབྲས་བུར་གཅིག། མཚོ་ལ་གཟའ་སྐར་ཤར་བ་ལྟར།། སྲིད་པ་བརྫུས་ཏེ་སྐྱེས་སྨིན
325b4 འདྲ།། མོས་སློབ་ལམ་ནི་བཟང་པོའི་དུས།། ཉ་སྟོང་ཚོགས་ཀྱི་དཀྱིལ་འཁོར་ལ།། མཚམས་ནས་རྫོགས་རིམ་བར་དུ་སྒོམ།། སྲིད་པ་སྒོང་སྐྱེས་སྨིན་པ་འདྲ།། སྨིན་སློབ་ལམ་ནི་དང་པོ་རུ།། དེ་བཞིན་ཉིད་ལ་མཐར
325b5 ཕྱིན་བསྒོམ།། དེ་ནས་ཀུན་སྣང་རྒྱ་དང་ནི།། ཚོམ་བུ་ཚོགས་སྒྲུབ་སྤྲོས་པ་དང་།། རིག་འཛིན་སངས་རྒྱས་སར་འགྲོ་བ།། སྔ་མ་སྨིན་ནས་ཕྱི་མའི་ལམ།། རང་སའི་དྲོད་ཚད་རྟགས་ལྡན་པ།། བཟོ་བོ་མཁས་པའི་སྡེར་སོ
325b6 འདྲ།། མཐར་ཆགས་པ་ཡི་ལམ་བསྒོམ་པ།། ཚོགས་ཀྱི་ལམ་ལ་རྣལ་འབྱོར་བཞི།། སྦྱོར་བའི་ལམ་ལ་བསྙེན་བསྒྲུབ་བཞི།། མཐོང་ལམ་རྣམ་སྨིན་ཚེ་དབང་དང་།། བསྒོམ་ལམ་ཕྱག་རྒྱའི་རྣལ་འབྱོར་དང་།། མཐར་ཕྱིན
iiif viewer powered by OpenSeadragon
