| e-texts navigator |
| Wylie |
325a1 དམ་ཚིག་རྣམས།། བསྲུང་མཚམས་བཅས་པའི་དམ་ཚིག་དང་།། དོན་ལ་མི་འདའ་གནས་པ་སྟེ།། དམ་ཚིགས་ཁྱད་པར་རྟོགས་པར་བྱ།། ཟག་བཅས་ཟག་མེད་ལ་སོགས་ལམ།། ཞི་རྒྱས་དབང་དྲག
325a2 ལྷུན་གྲུབ་པའི།། ཕྲིན་ལས་ཀུན་གྱིས་སྤྱད་འགྱུར་ཡང་།། རོ་གཅིག་ནུས་མཐུ་ཁྱད་པར་ཆེ།། མ་བསྒྲུབས་བསྒྲུབ་ཆེན་བསྒྲུབ་དགོས་པ།། མངོན་སུམ་རྩོལ་བས་སོགས་པའི་རྫས།། ཏིང་འཛིན་ཡིད་ཀྱིས་སོགས་པའི
325a3 རྫས།། ཏིང་འཛིན་ཡིད་ཀྱིས་དམིགས་པའི་རྫས།། རིམ་པས་གང་གཙོ་ཤེས་པས་བསྒྲུབ།། མྱ་ངན་འདས་པ་མཆོད་བྱེད་ན།། འཁོར་བ་མཆོད་པའི་རྫས་ཡིན་པས།། ཟག་བཅས་ཡོ་བྱད་སྔགས་རྒྱས་མཆོད།། ཟག
325a4 མེད་བལྟ་བའི་ཏིང་འཛིན་མཆོག། གསང་སྔགས་བཟླས་ཤིང་ཕྱག་རྒྱ་བཅའ།། སྔགས་ཀྱི་སྐྱོན་སྤང་སྒྲ་བརྟེན་བཟླས།། ཡིད་སྐྱོབ་རྡོ་རྗེའི་བཟླས་པས་འགྲོ།། ཕྱག་རྒྱ་བཞི་ལ་མོས་པས་བསླབ།། དངོས་སུ་ཞི་ཁྲོའི་རྒྱལ
325a5 ཚབ་བྱེད།། རྣལ་འབྱོར་རིམ་པས་རྟོགས་པར་འགྱུར།། ཀུན་ཀྱང་ཞི་ཁྲོའི་ཏིང་འཛིན་བསྒོམ།། ཟག་བཅས་མཚན་ཉིད་སོ་སོར་བསྒོམ།། ཟག་མེད་ཏིང་འཛིན་ཡོངས་རྫོགས་བསྒོམ།། མཚན་བཅས་མཚན་མེད་ཀུན
325a6 བསྒོམས་ཀྱང་།། རྩོལ་བ་ཡོད་མེད་ཁྱད་པར་ལས།། ལམ་གྱིས་བྱེ་བྲག་རྟོགས་པར་བྱ།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། ལམ་གྱི་ཆ་རྐྱེན་གྱི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས
iiif viewer powered by OpenSeadragon
