| e-texts navigator |
| Wylie |
324b1 དཔའ་འཐོབ།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། གསང་སྔགས་ཀྱི་ལམ་གྱི་རྩ་བ་མ་ནོར་བར་གཏན་ལ་ཕབ་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་རྡོ་རྗེ་འཆང་ཆེན་པོས་ལམ་གྱི
324b2 ཆ་རྐྱེན་ཡོངས་སུ་རྫོགས་པ་གཏན་ལ་ཕབ་པ་འདི་གསུངས་སོ།། ལྟ་བ་བདེན་པ་དབྱེར་མེད་པས།། རང་རིག་མངོན་སུམ་རྟོགས་པ་ཡིས།། ལྟ་བ་རང་གི་མཚན་ཉིད་མཐོང་།། དེ་ལ་ལམ་གྱི་རིམ་པ་མཐོང་།། དང་པོ
324b3 གསལ་བའི་སྤྱོད་ཡུལ་ལ།། གཟུགས་མཐོང་རྒྱང་ནས་མཐོང་གྱུར་ཀྱང་།། དྲུང་ནས་གསལ་བར་འགྱུར་བཞིན་རྟོགས།། དེ་ཕྱིར་རིམ་དང་ཅིག་ཅར་བལྟ།། ལམ་གྱི་སྤྱོད་ཡུལ་གཞི་གཅིག་ལ།། སོ་སོ་ཐ་དད་སྤྱོད་པ
324b4 ཡང་།། ཀུན་ཏུ་རྒྱུ་དང་ཁྱིམ་གནས་དང་།། གླང་ཆེན་སྟོབས་ཀྱི་ཆེ་ཆུང་ལྟར།། རང་བཞིན་ཏིང་འཛིན་མངོན་ཕྱུང་བའི།། སྒྲོལ་སྦྱོར་ལ་སོགས་རིམ་པར་སྤྱོད།། མཉམ་པར་གཞག་པའི་དོན་ཉིད་ལ།། རྗེས་ཀྱི་སྤྱོད་པ་དེ
324b5 བཞིན་སྤྱོད།། དཀྱིལ་འཁོར་ངོ་བོ་ཀུན་གཅིག་ཀྱང་།། ལམ་གྱི་བྱེད་ལུགས་མི་འདྲ་བས།། ཏིང་འཛིན་བསྒོམ་དང་གཟུགས་བརྙན་བྲི།། ཚད་ཀྱི་བྱེ་བྲག་ཆེ་ཆུང་སོགས།། གདུལ་བྱ་ལམ་དང་མཐུན་པ་རུ།། རྒྱལ་བས
324b6 གསུངས་བཞིན་རྟོགས་པར་བྱོས།། དབང་བསྐུར་རྒྱུ་ལམ་འབྲས་ཀུན་རྫོགས།། རྫས་ལ་བརྟེན་ནས་བསྐུར་བ་དང་།། ལྟ་བས་བསྐུར་དང་ཏིང་འཛིན་དབང་།། བླ་མ་སློབ་མའི་རིམ་དགོངས་ཤེས།། རྩ་བ་ཡན་ལག
iiif viewer powered by OpenSeadragon
