| e-texts navigator |
| Wylie |
324a1 དང་བྲལ་ཞིང་དབུ་མར་གྱུར།། དབང་མ་ཐོབ་པར་འཇུག་འགྱུར་ཞིང་།། རང་གཞན་ཐབས་ལ་ངེས་ཤེས་མེད།། རྩ་སྔགས་ཐིག་ལེ་རླུང་དང་བྲལ།། ཐབས་ཀྱི་ལམ་དང་ཤེས་རབ་ལམ།། གང་རུང
324a2 གཅིག་ལ་ཡོངས་རྫོགས་འདོད།། ཟག་བཅས་ལམ་པའི་ཤེས་རྒྱུད་ལ།། ལམ་གཉིས་དུས་གཅིག་སྐྱེ་མི་སྲིད།། རྩེ་གཉིས་གཅིག་ཏུ་མཚོན་པ་འདྲ།། ངེས་པར་གཅིག་གམ་ཐ་དད་པ།། བློ་དམན་རྣམས་ལ་ཐབས་ལམ
324a3 ཉིད།། དབང་པོ་མཆོག་ལ་གྲོལ་བའི་ལམ།། དབྱིབས་དང་ཁ་དོག་ལྟ་བུ་ཉིད།། ཀུན་རྫོབ་མཚོན་པར་ཐ་དད་ཀྱང་།། ངེས་དོན་གཅིག་ཏུ་རྟོགས་པར་འགྱུར།། གྲོལ་བའི་ལམ་ནི་འབྲས་བུ་འདྲ།། ཐབས་ལ་མཚོན་བྱེད
324a4 རྒྱུ་རྐྱེན་མཚུངས།། ལྟ་བ་གཏན་ལ་འབེབས་པའི་ཕྱིར།། གྲོལ་ལམ་ཐོས་བསམ་བསྒོམ་པས་སྦྱངས།། ཡང་དག་ལྟ་བ་མི་གོལ་པས།། རང་ལུས་ཐབས་ཀྱི་གནད་དུ་བསྣུན།། རྩ་རྣམས་དབྱིབས་སུ་གཏན་ལ
324a5 དབབ།། ལུས་ཁམས་བདུད་རྩི་བདེ་བ་སྟེ།། གྲུབ་པ་སྔགས་ནི་བཟླས་པ་ཉིད།། སྙིང་པོ་རླུང་གི་འཕྲོ་འདུར་འགྱུར།། གྲོལ་ལམ་བལྟ་བ་ཅིག་ཆར་རྟོགས།། ཐབས་ལམ་དབང་གིས་རིམ་གྱིས་སྨིན།། དེ་ཕྱིར་གསང
324a6 སྔགས་ལམ་འདོད་པས།། ཐབས་ཀྱི་ལམ་དང་གྲོལ་བའི་ལམ།། གསང་སྔགས་རྒྱུད་བཞིན་རྟོགས་པར་བྱ།། དེ་སྐད་སྟོན་པ་རིགས་ལྔས་གསུངས།། དད་ལྡན་བརྩོན་འགྲུབ་རབ་འབད་ན།། ཀུན་བཟང་རྡོ་རྗེ་སེམས
iiif viewer powered by OpenSeadragon
