| e-texts navigator |
| Wylie |
323b1 སྟོན།། ཤེས་རབ་ཡེ་ཤེས་དབང་བསྐུར་བས།། དགའ་བ་མཆོག་དགའ་དགའ་བྲལ་དང་།། ལྷན་ཅིག་སྐྱེས་པའི་དགའ་བ་ཡིས།། ཡིད་ཀྱི་དྲི་མ་དག་བྱས་ནས།། ས་ནི་ཕྱེད་དང་གཉིས་རྫོགས་པས།། རྣལ་འབྱོར་མིང
323b2 སྲིང་འབྲས་ཐོབ་པ།། ཆོས་ཀྱི་སྐུ་ལ་སྦྱོར་བར་བྱེད།། བླ་མས་ཆོས་རྣམས་རྣམ་དག་སྟོན།། ཁམས་གསུམ་འདུས་པའི་དངས་མ་རྣམས།། སྲོག་ཤིང་གསུམ་ལས་དྲངས་པ་ཡིས།། རྡོ་རྗེ་རྦ་རླབས་ལམ་སྦྱངས་ཏེ།། ལུས
323b3 ངག་ཡིད་གསུམ་སྒྲིབ་དག་པས།། སྙིང་པོའི་ལུང་རྣམས་རང་གྲོལ་ཅིང་།། ས་ཆེན་ངོ་བོ་ཉིད་སྐུ་ཐོབ།། བཅུ་བཞི་རྡོ་རྗེ་འཛིན་གནས་པ།། ཉོན་མོངས་འཆིང་བའི་ལས་སྤྱད་པས།། སྐུ་བཞི་འཐོབ་པ་ཐབས་ཀྱི
323b4 ལམ།། དབང་པོ་དམན་པས་སྔགས་བསྒྲུབ་ཕྱིར།། རྒྱལ་བ་རྣམས་ཀྱིས་གསུངས་པ་ཡིན།། ཕྱི་རབས་སྔགས་འཆང་རྣལ་འབྱོར་པས།། ཉམས་སུ་བླངས་ན་སངས་རྒྱས་འགྲུབ།། རང་ལུས་གསང་སྔགས་རྒྱུད་དེ
323b5 རྟོགས།། ཤེས་རབ་ལམ་ནི་བལྟ་བ་རྟོགས།། རང་བཞིན་དཀྱིལ་འཁོར་འཇུག་པ་ཡིན།། དེ་ཕྱིར་ཐོས་བསམ་བསྒོམ་གསུམ་གྱིས།། ཤེས་རབ་སྤྱན་དང་ལྡན་པར་བྱ།། ཐབས་ལམ་གྲོལ་ལམ་ཐ་དད་ན།། ཐབས་དང
323b6 ཤེས་རབ་འབྲེལ་པ་མེད།། ཐབས་ཀྱི་ལམ་ལ་གཙོར་བྱེད་ལ།། གྲོལ་ལམ་ལྟ་བ་མེད་གྱུར་ན།། འཇིག་རྟེན་ཐབས་དང་ཁྱད་པར་མེད།། མ་ཧཱ་དེ་བའི་བདེ་བར་འགྱུར།། གྲོལ་ལམ་རྐྱང་པར་བསྒྲུབ་བྱེད་ན།། ཐབས
iiif viewer powered by OpenSeadragon
