| e-texts navigator |
| Wylie |
322b1 རྟག་ཏུ་སྨྲ།། ཞི་རྒྱས་དབང་དྲག་ལས་བཞི་འགྲུབ།། དུས་མིན་འཆི་ལས་ཐར་བར་འགྱུར།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། དབང་པོ་ཐ་མ་ལྷ་སྐུས་མཚོན་པ་སྟེ་ལེའུ་ཉི་ཤུ་རྩ་གཉིས
322b2 པའོ།། །། དེ་ནས་སངས་རྒྱས་རྡོ་རྗེ་འཆང་ཆེན་པོས་ནོར་བའི་དམིགས་བསལ་ནས་མ་ནོར་བའི་དོན་ཉམས་སུ་བླང་པ་འདི་གསུངས་སོ།། སྐྱེ་བོ་འཁོར་བ་ཐ་མལ་པ།། དུག་ལྔ་འབྱོལ་ཉོག་སྤྱོད་ཅིང
322b3 འཁོར།། ལྷ་དང་མི་ཡི་ཐེག་པ་ནི།། དགེ་བ་བཅུ་ལ་རྐྱང་འདོད་བྱེད།། ཉན་ཐོས་པ་ཡི་ཐེག་པ་ཡིས།། བདེན་པ་བཞི་ལ་སྤང་ལེན་བྱེད།། རང་སངས་རྒྱས་པའི་ཐེག་པ་ནི།། རྟེན་འབྲེལ་རྒྱུ་དང་འབྲས་བུར
322b4 འཛིན།། དབུ་མ་ཐེག་པ་ཆེན་པོ་ལ།། བདེན་པ་གཉིས་ལ་སྤང་ལེན་བྱེད།། ཀྲི་ཡཱ་དམ་ཚིག་ཡེ་ཤེས་ལྷ།། རྗེ་དང་ཁོལ་པོ་ལྟ་བུར་བལྟ།། ཆ་གཉིས་འཛིན་པའི་ཐེག་པ་ནི།། ལྟ་བ་སྤྱོད་པ་ཡ་ཆར་འགྱུར།། རྣལ་འབྱོར་ཕྱི
322b5 པ་ཐུབ་པའི་རྒྱུད།། ལྷུན་གྱིས་གྲུབ་པའི་དོན་མ་རྟོགས།། ཐེག་པའི་ཆོས་དང་འཁོར་བའི་ཆོས།། ཐམས་ཅད་གསང་སྔགས་ངོ་བོ་ཡིན།། ཆོས་རྣམས་ཅིར་ཡང་སྣང་ལུགས་སྣང་།། གསེར་ལ་དྲི་མ་བྲལ་མ
322b6 བྲལ།། ཐམས་ཅད་གསེར་དུ་གཅིག་པ་ལྟར།། ཀུན་ཀྱང་གསང་སྔགས་ངོ་བོར་གནས།། རྣལ་འབྱོར་སྐྱེས་བུ་ཆེན་པོ་ཡིས།། ལྟ་བ་དེ་ལྟར་རྟོགས་པར་བྱ།། ལམ་ནི་རིམ་པར་བགྲོད་པ་རྣམས།། ལྷ་མི་མཚན་ཉིད་ཐེག
iiif viewer powered by OpenSeadragon
