| e-texts navigator |
| Wylie |
321b1 མཚོན་པའི་ཕྱག། དང་པོ་ནང་གི་སྟོང་པ་ཉིད།། གཉིས་པ་ཕྱི་ཡི་སྟོང་པ་ཉིད།། གསུམ་པ་ཕྱི་ནང་སྟོང་པ་ཉིད།། བཞི་པ་སྟོང་ཉིད་སྟོང་པ་ཉིད།། ལྔ་པ་ཆེན་པོ་སྟོང་པ་ཉིད།། དྲུག་པ་དོན་དམ་སྟོང་པ་ཉིད།། བདུན་པ
321b2 འདུས་བྱས་སྟོང་པ་ཉིད།། བརྒྱད་པ་འདུས་མ་བྱས་སྟོང་པ་ཉིད།། དགུ་པ་མཐའ་ལས་འདས་པ་སྟོང་པ་ཉིད།། བཅུ་པ་ཐོག་མ་མཐའ་མ་མེད།། བཅུ་གཅིག་དོར་བ་མེད་པས་སྟོང་།། བཅུ་གཉིས་རང་བཞིན་སྟོང་པ
321b3 ཉིད།། བཅུ་གསུམ་ཆོས་རྣམས་སྟོང་པ་ཉིད།། བཅུ་བཞི་མཚན་ཉིད་སྟོང་པ་ཉིད།། བཅོ་ལྔ་མི་དམིགས་སྟོང་པ་ཉིད།། བཅུ་དྲུག་དངོས་པོ་མེད་སྟོང་པ།། བཅུ་བདུན་དབྱེར་མེད་ངོ་བོ་ཉིད།། ཡུམ་ནི་གཟུགས་མེད་ནམ
321b4 མཁའ་ཉིད།། ཆགས་པའི་མདོག་དམར་ཁ་ཊྭཱཾ་ཐོད།། ཆོས་བརྒྱད་བསྡུས་པས་ཕྱག་མཚན་གཉིས།། སོ་སོ་ཡང་དག་ཕྱོགས་བཞི་ནི།། ཕྱག་བྱེད་མ་ཡི་མཁའ་འགྲོ་ནི།། དོན་ནི་སོ་སོར་ཡང་དག་རིག། སྟག་གདོང་མ་ཡི
321b5 མཁའ་འགྲོ་མ།། ཆོས་ནི་སོ་སོ་ཡང་དག་རིག། མཁའ་འགྲོ་རྡོ་རྗེ་དྲག་མོ་ནི།། ངེས་ཚིག་སོ་སོ་ཡང་དག་རིག། མཁའ་འགྲོ་མ་ནི་གསེར་མདོག་ཅན།། སྤོབས་པ་སོ་སོ་ཡང་དག་རིག། དཀྱིལ་འཁོར་སྐྱོང་བྱེད་ཕྱོགས
321b6 བཞིར་གནས།། མཚམས་ཀྱི་ལྷ་མོ་མི་འཇིགས་བཞི།། ཤར་ལྷོ་ལྷ་མོ་དངོས་འབྱུང་མ།། བཅོམ་ལྡན་འདས་ལ་འཇུག་མི་འཇིགས།། ལྷོ་ནུབ་དྲན་པ་མཆོག་མ་ཡིན།། ཆོས་རྣམས་ཉེ་བར་སྟོན་མི་འཇིགས།། ནུབ་བྱང་ན
iiif viewer powered by OpenSeadragon
