| e-texts navigator |
| Wylie |
321a1 སྡིགས་མཛུབ་གྲི་གུག་མགོ། ནུབ་སྒོར་སྣ་ལས་འབར་མ་མཆོག། དམར་དང་སྔོ་དང་ལྗང་གུ་སྟེ།། དང་པོ་ལྕགས་སྒྲོག་གྲི་གུག་དང་།། བར་གཉིས་ཐོད་པ་ཁ་ཊྭཱཾ་ག། མཐའ་མ་མགོ་དང་སྡིགས་མཛུབ
321a2 རྣམས།། བྱང་སྒོར་ཧཱ་ལས་ཕྲེང་རྒྱལ་མ།། ལྗང་བུ་དཀར་སེར་དམར་བའི་མདོག། དྲིལ་བུ་གྲི་གུག་དང་པོ་གཉིས།། ཁ་ཊྭཱཾ་ཅང་ཏེའུ་བར་མ་གཉིས།། མགོ་དང་སྡིགས་མཛུབ་མཐའ་མར་བསྣམས།། བཅུ་གསུམ་ལྷ་ཡི
321a3 དཀྱིལ་འཁོར་རྫོགས།། གསལ་ནས་སྤྱན་དྲང་བསྟིམ་པ་དང་།། མཆོད་པ་བདུད་རྩི་གཏོར་མ་དང་།། རཀྟ་དབུལ་ཞིང་བསྟོད་པ་བྱ།། གསང་སྔགས་ཡི་གེའི་ཕྲེང་བ་བཟླས།། རླུང་དང་སྔགས་དང་ཡིད་ཀྱིས་བརྡེག། ཨོཾ
321a4 ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ། དྷ་ཀི་ནི་ཛཱ་ལ་ཤཾ་བ་ར་ཧཱུཾ་ཕཊ་སྭཱ་ཧ། ཞལ་བརྒྱད་རྣམ་པར་ཐར་པ་བརྒྱད།། བཅུ་དྲུག་སྟོང་པ་བཅུ་དྲུག་ནི།། ཕྱོགས་བཞིར་སོ་སོར་ཡང་དག་རིགས།། མཚམས་ནི་མི་འཇིགས་རྣམ་པ
321a5 བཞི།། སྒོ་ཡི་ཚད་མེད་བཞི་དང་ལྡན།། དེ་ཡང་ཇི་ལྟ་བུ་ཞེ་ན།། གཟུགས་རྣམས་བལྟ་བའི་སྟོང་པ་དང་།། ནང་དང་ཕྱི་རོལ་གཟུགས་རྣམས་བལྟ།། སྡུག་དང་མི་སྡུག་བལྟ་བ་དང་།། ནམ་མཁའ་མཐའ་ཡས་སྐྱེ་མཆེད
321a6 བལྟ།། རྣམ་ཤེས་མཐའ་ཡས་བལྟ་བས་སྟོང་།། ཅི་ཡང་མེད་པའི་སྐྱེ་མཆེད་དང་།། འདུ་ཤེས་མེད་མིན་སྐྱེ་མཆེད་དང་།། འདུ་ཤེས་ཚོར་བ་འགོག་པར་བལྟ།། ཞལ་གྱིས་རྣམ་པར་ཐར་བརྒྱད་རྟོགས།། སྟོང་པ་བཅུ་དྲུག
iiif viewer powered by OpenSeadragon
