| e-texts navigator |
| Wylie |
320a1 ལ།། དེ་ཉིད་པ་ལ་བལྟ་བ་མེད།། གལ་ཏེ་འདོད་ན་དམིགས་ལྷ་མོད།། ཐམས་ཅད་མཁྱེན་ན་ལྟ་བའི་མཆོག། ངོ་བོ་ཉིད་ནི་དམིགས་སུ་མེད།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། ཐེག
320a2 པ་ཐམས་ཅད་ཀྱི་ལྷ་སྤྱོད་ཡ་མ་བྲལ་བར་བསྟན་པ་སྟེ་ལེའུ་ཉི་ཤུ་རྩ་གཅིག་པའོ།། །། དེ་ནས་རྡོ་རྗེ་འཆང་གིས་དབང་པོ་ཐ་མའི་རྣལ་འབྱོར་པས་ལྷའི་སྐུས་རྟོགས་པར་བྱ་བ་འདི་གསུངས་སོ།། སྟོང་པ་ཉིད་དུ
320a3 གསལ་བསྒོམས་པས།། སྙིང་རྗེ་སྒྱུ་མས་ཀུན་ལ་ཁྱབ།། ཧཱུཾ་ལས་བྱུང་བ་རྡོ་རྗེ་སེམས།། མཐིང་ནག་རྡོ་རྗེ་དྲིལ་བུ་འཛིན།། རྣལ་འབྱོར་པ་ཡིས་རྟག་ཏུ་བསྒོམ།། སངས་རྒྱས་ཐམས་ཅད་བསྒོམ་པར་འགྱུར།། ཡུམ་ཡང
320a4 འདུ་འབྲལ་མེད་པར་འཁྲིལ།། རྟག་ཏུ་སྔགས་ལ་འབད་ནས་བཟླས།། ཨོཾ་བཛྲ་ས་ཏྭ་དྷ་ཏཱི་ཤྭ་རཱི་ཧཱུཾ། སྐུ་གསུང་ཐུགས་རྗེ་ཧཱུཾ་ལས་སྐྱེས།། ཞལ་བརྒྱད་རབ་ཏུ་འཇིགས་པ་ནི།། སྔོ་དང་དཀར་དང་དམར་བ་དང་།། སེར
320a5 དང་ལྗང་དང་དུད་ཁ་དང་།། ཐལ་བའི་མདོག་དང་སྤྲིན་མདོག་བརྒྱད།། ཕྱག་ནི་བཅུ་དྲུག་གནས་པ་ཉིད།། གཡས་པ་རྡོ་རྗེ་དྲིལ་བུ་གཡོན།། གཡས་གཡོན་གོས་ཀྱི་གཡང་གཞི་ནི།། ཚངས་པའི་པགས་པ་བརྐྱང་ནས
320a6 འཛིན།། རྩེ་གསུམ་མདུང་ཐུང་དགྲ་སྟ་དང་།། རལ་གྲི་ཅང་ཏེའུ་གྲི་གུག་དང་།། ལྕགས་ཀྱུ་གཡས་ན་འཛིན་པ་ལ།། ཐོད་པ་ཁ་ཊྭཱཾ་མགོ་བོ་དང་།། ཞགས་པ་ཐོ་བ་སྡིགས་མཛུབ་གཡོན།། ཡུམ་འཁྲིལ་ཁ་ཊྭཱཾ་ཐོད་པ
iiif viewer powered by OpenSeadragon
