| e-texts navigator |
| Wylie |
319b1 གསུམ།། ཐོག་མར་བསྟན་པའི་རྣལ་འབྱོར་ཆེ།། ལུས་ཀྱི་དངོས་པོ་གཉིས་བསྡུས་ནས།། རང་རིག་ཉིད་ཕྱིར་སྣང་བ་ཀུན།། ཡེ་ནས་ཡེ་ཤེས་སྐུ་གསལ་བ།། དཀྱིལ་འཁོར་གཉིས་དྲུག་ལ་སོགས་ཤར།། སྣང་བ་ཉིད་ན
319b2 རང་བཞིན་མེད།། དེས་ན་རང་བཞིན་སྐྱོན་དང་བྲལ།། སྣང་སྟོང་བྲལ་བའི་དེ་བཞིན་ཉིད།། ངང་ལས་རིག་པ་ལྟར་བསྐྱེད་པས།། ཐ་མ་རྟོག་ཚོགས་མ་སྤངས་དག། གསེར་འགྱུར་མུན་སྣང་ཇི་ལྟ་བའོ།། ཅིར་སྣང་རང
319b3 གི་རིག་པའི་ཕྱིར།། ལྷ་དང་བལྟ་བ་ཡོངས་ཀྱིས་མེད།། ཏིང་འཛིན་ཡེ་ཤེས་སྐུར་ཤར་བ།། སུས་ཀྱང་མ་བྱས་བྱེད་མེད་སྟེ།། ངོ་བོས་གཞན་ནས་འོང་བའང་མེད།། དེས་ན་བདག་ཉིད་ཆེན་པོར་བལྟ།། སྤྱོད་པ་བཟང
319b4 ངན་གཙང་སྨེ་སོགས།། གང་ལ་ཡང་ཆགས་སྡང་བླང་དོར་མེད།། བདེ་མྱོང་མི་འགོག་མི་འཛིན་ཕྱིར།། ཚོགས་གཉིས་རྒྱུན་དུ་རྫོགས་པར་བྱེད།། རྗེས་སུ་རྣལ་འབྱོར་འདོད་པ་ཉིད།། སྣང་སྲིད་ཟབ་མོའི་མཁའ་ཀློང
319b5 ན།། མ་སྐྱེས་དཀྱིལ་འཁོར་ཀུན་ལ་ཤར།། ཤར་བ་ཉིད་ན་ཤར་བ་མེད།། ཡབ་ཡུམ་སྲས་བཅས་བདེ་ཆེན་པོ།། ལྷུན་རྫོགས་དང་ལས་སྐད་ཅིག་གིས།། སྙིང་པོ་དྲན་བརྗོད་སྤར་ཤར་བ།། འདི་ལ་རིམ་པའི་རྩོལ་བ
319b6 མེད།། རྒྱ་མཚོ་ཉི་ཟླ་ཤར་བ་འདྲ།། དོན་གཉིས་མ་བཙལ་རྫོགས་པར་བྱེད།། སྤྱོད་པ་བླང་དོར་མེད་པར་སྤྱོད།། དེ་ལྟར་ནུས་ན་ཉམ་མི་ང་།། རྫོགས་པ་ཆེན་པོའི་རྣལ་འབྱོར་པ།། གཟའ་གཏད་མེད་པའི་ལྷ་མཆོག
iiif viewer powered by OpenSeadragon
