| e-texts navigator |
| Wylie |
318b1 ཅིག་མ།། རེ་རེ་ཡོད་པར་འདོད་པའོ།། མདོ་སྡེ་ཀུན་རྫོབ་ཕྲ་རབ་རྣམས།། འདུས་པའི་རྣམ་པ་གཅིག་ཏུ་འདོད།། དོན་དམ་ཤེས་པ་མཐུན་པར་འདོད།། སྤྱོད་པ་རང་དོན་འབའ་ཞིག་པའོ།། རང་རྒྱལ་དོན་དམ
318b2 ཉན་ཐོས་མཐུན།། ཀུན་རྫོབ་སྣང་བའི་ཁྱད་པར་ནི།། གཟུགས་ཀྱི་བསྡུས་པའི་ཆོས་རྣམས་ཀུན།། རྟེན་འབྲེལ་རྒྱུ་རྐྱེན་དབང་གྱུར་པས།། རྨི་ལམ་ཚུལ་ཏེ་ལོགས་ན་མེད།། དེ་ནི་ཀུན་རྫོབ་ཁྱད་པར་འཕགས།། སྤྱོད་པ
318b3 ལུས་ཀྱི་རྫུ་འཕྲུལ་གྱིས།། གཞན་དོན་ཤས་འགའ་སྤྱོད་པའོ།། ཐེག་པ་ཆེན་པོ་དབུ་མ་པའི།། ཐེག་པ་ཕྱི་ནང་རྣམ་པ་གཉིས།། ཕྱི་པ་རྣམ་པར་རིག་པ་ལ།། ཀུན་ཀྱང་རང་རིག་ཡུལ་མེད་འདོད།། དེ་ཡང་རྣམ་བཅས
318b4 རྣམ་མེད་གཉིས།། རྣམ་བཅས་པ་ཡི་ལྟ་བ་ནི།། ཡུལ་ལྟར་སྣང་བ་འདི་དག་ཀུན།། རབ་རིབ་སྒྲིབ་མཐོང་རྨི་གཟུགས་ལྟར།། ཤེས་པ་འཁྲུལ་བ་གཟུགས་བརྙན་ཕྱིར།། དེ་ཡང་དེ་ཡི་ངོ་བོ་འདོད།། རྣམ་མེད་པ་ཡི་ལྷག།
318b5 གཞུང་གིས།། རང་རིག་གཉིས་མེད་ཤེལ་ལྟར་དག། དེ་ཉིད་དམ་པར་ཡོད་པ་སྨྲ།། ནང་པའི་རྣལ་འབྱོར་དབུ་མ་ནི།། ཀུན་རྫོབ་སྒྱུ་མ་རྫུན་ཙམ་དུ།། ཡུལ་སེམས་གཉིས་མེད་ཡུལ་སྣང་སེམས།། ཀུན་རྫོབ་རྣམ་རིག་ཇི
318b6 ལྟ་བ།། དོན་དམ་མ་སྐྱེས་སྟོང་པར་བལྟ།། དེ་ཀུན་བྱང་ཆུབ་སྤྱོད་པའི་མཆོག། རྒྱ་ཆེར་གཞན་དོན་སྤྱོད་པར་བྱེད།། གཞན་ལ་དམིགས་པའི་མཚན་མོའི་མེ།། སྦས་པ་ལྟ་བུར་བདག་དོན་འབྱུང་།། ལོངས་སྤྱོད་རྫོགས
iiif viewer powered by OpenSeadragon
