| e-texts navigator |
| Wylie |
317b1 དང་།། མ་ནིང་སྐྱེ་དང་ན་དང་འཆི།། སྣོད་ནི་འཇིག་ཆགས་སྟོངས་དང་གནས།། བཅུད་ནི་སྐྱེ་རྒས་ན་དང་འཆི།། འདས་པ་དུས་གསུམ་སངས་རྒྱས་དང་།། སྐུ་གསུམ་ལ་སྩོགས་རིམ་པར་དབྱེ།། མཚོན་པར་བྱ་བའི
317b2 དཔེ་རྣམས་ནི།། ཐམས་ཅད་སྟོང་པ་ནམ་མཁའི་དཔེ།། དགོས་འདོད་འབྱུང་བ་ཡིད་བཞིན་ནོར།། གཏིང་དཔག་དཀའ་བ་རྒྱ་མཚོ་ཉིད།། ངོ་བོ་མི་འགྱུར་རིན་ཆེན་གསེར།། གསལ་ལ་མ་འདྲེས་ནམ་མཁའི
317b3 མཐའ།། འབྱུང་གཞི་མེད་པ་ནམ་མཁའི་སྤྲིན།། རྒྱུན་ཆད་མེད་པ་ནམ་མཁའི་ཆུ།། ཐམས་ཅད་དཔེས་མཚོན་གཏན་ལ་དབབ།། གཏན་ཚིགས་མང་པོར་གསུངས་པ་ཀུན།། འོན་ཀྱང་དེ་ལ་ཐ་དད་མེད།། ཀུན་ནས
317b4 གཏན་ལ་ཕེབས་པའི་དུས།། དེ་བཞིན་ཉིད་དུ་ཐེ་ཚོམ་མེད།། ལྟ་བར་བྱ་བའི་ངོ་བོ་ནི།། བལྟ་བ་བདེན་པ་དབྱེར་མེད་ལ།། རིག་པ་སྤྱོད་ཡུལ་བྲལ་བ་ཉིད།། དཀོར་བདུན་ངོ་བོ་ཉིད་རྒྱུར་གནས།། ཡེ་ཤེས་རྣམ་ལྔ་ཡེ
317b5 ཤེས་དབྱིངས།། ཡུལ་མེད་རང་རིག་མངོན་སུམ་པ།། བདེན་པ་དབྱེར་མེད་དོན་མཐོང་བས།། རང་རིག་མངོན་སུམ་གསལ་བྱས་པས།། ཡུལ་མེད་རང་གསལ་ཉམས་རྙེད་པ།། མཐོང་ཞེས་བལྟ་བའི་ངེས་ཚིག
317b6 འགྲུབ།། དང་པོ་དོན་རྟོགས་མཐར་མི་གཏོང་།། རིན་ཆེན་ཆུ་སྲིན་ཁར་ཚུད་འདྲ།། རྟོགས་པའི་དོན་གོམས་མཐར་ཕྱིན་པས།། སངས་རྒྱས་དེ་ནས་འཁོར་མི་སྲིད།། ཅེས་གསུངས་སོ།། གླང་པོ་རབ་འབོག་གི་རྒྱུད
iiif viewer powered by OpenSeadragon
